Urmiyədə mühakimə edilən milli fəal Əkbər Sadıqiyə bəraət qazandırılıb

İranın Qərbi Azərbaycan vilayətinin mərkəzi Urmiyədə “İran İslam Respublikası nizamına qarşı fəaliyyət göstərmək” ittihamı mühakimə edilən türk fəal Əkbər Sadıq haqqında bəraət qərarı çıxarılıb.

Əkbər Sadıqi 2020-ci ilin avqust ayında nəzarət altına alınıb və bir gün Urmiyənin Doqquz Pillə bölgəsindəki kəşfiyyat həbsxanasında saxlanıldıqdan sonra mülki zəmanətlə müvəqqəti azadlığa buraxılmışdı.

“Müxalif qrupların xeyrinə nizama qarşı təbliğat fəaliyyəti” göstərməkdə ittiham edilən fəalın mühakimə prosesi azadlığa buraxıldıqdan sonra Urmiyə İnqilab Məhkəməsinin 2-ci şöbəsində davam edib.

Amerikanın Səsinin bölgədə fəaliyyət göstərən hüquq müdafiəçilərindən əldə etdiyi məlumata əsasən, məhkəmə Əkbər Sadıqi haqqında Cəza Qanununun 380-ci maddəsinin 2-ci əlavəsinə uyğun olaraq bəraət qərarı çıxarıb.

VOA