Traxturun Asiya Çempionlar Liqasında ilk qələbəsi

Asiya Çempionlar Liqasının qrup mərhələsində yarışan Təbrizin “Traxtur” klubu ilk qələbəsini əldə edib və 6 xalla qrup cədvəlində ikinci sırada yer alıb.

Təbriz klubu ötən gecə, Aprelin 23-də Birləşmiş Ərəb Əmirliklərinin (BƏƏ) Şarja şəhərində İraqın Hərbi Hava Qüvvələri komandası ilə qarşılaşmadan qələbə ilə ayrılıb.

Qələbə topunu 63-cü dəqiqədə komandanın hücumçusu “Mehdi Tikdəri” vurub.  Bu qələbədən sonra “Traxtur” 6 xalla qrup cədvəlində Birləşmiş Ərəb Əmirliklərinin (BƏƏ) Əl-Şarja komandasından sonra ikinci yerdə qərar tutub.

Komanda bundan öncə Özbəkistanın “Paxtakor” komandası ilə 3-3 hesabı ilə bərabərə qalmış, “Əl-Şarja” və “İraq Hərbi Hava Qüvvələri” komandası ilə 0-0 hesablı heç-heçə etmişdi.

Komandanın baş məşqçısi Rəsul Xətibi qarşıdakı görüşlərdə daha fərqli oyun göstərməyə, “Traxtur” azarkeşlərinin ümidlərini  doğrultmağa çalışacaqlarını bildirib.

iranwire