Qətl ilə ittiham olunan uşaq məhkum Məhəmməd Həsən Rizayi edam edildi

31 Dekabr 2020-ci il Cümə axşamı səhəri, bir kütləvi dava zamanı bir nəfərin qətlinə görə 16 yaşındaikən həbs olunan Məhəmməd Həsən Rizayi, Rəştdəki Lakan Həbsxanasında edam edildi.

30 Dekabrda İrandakı İnsan Hüquqları Təşkilatı Məhəmməd Həsən Rizayinin Rəştdəki Lakan Həbsxanasında təkadamlıq kameraya köçürülməsindən və ailəsindən son dəfə onunla görüşmək üçün gəlmələrinin istənilməsindən qayğılarını bildirmişdi.

Təşkilat, məhkəmə prosesini və bu günahkar uşağa verilən hökmün birmənalı olmadığını da vurğuladı.

Beynəlxalq Əfv Təşkilatı da Çərşənbə günü bir açıqlama yayaraq Məhəmməd Həsən Rizayinin mühakimə olunmasına gətirib çıxaran ədalətsiz məhkəmə prosesini qınadı və səlahiyyətlilərin onu gənc olmasına baxmayaraq ailəsi və vəkilləri ilə görüşmədən uzun müddət təkadamlıq kamerada saxladığını vurğuladı. Dəfələrlə onu dəyənək, yumruqlarla və təpiklərlə döydülər və onu özünə qarşı etiraf etmək üçün şlanqla qamçıladılar.

Beynəlxalq Əfv Təşkilatının yaydığı bir açıqlamaya görə, Məhəmməd Həsən Rizayinin ilkin məhkəməsi 1387-ci ildə ona “məcburi etiraflar” əsasında edam cəzası vermiş, ancaq o məhkəmədə “etiraflarını” geri almış və onları işgəncə altında dilə gətirdiyini söyləmişdi.

Məhəmməd Həsən Rizayi, 2007-ci ildə 16 yaşındaaykən, kütləvi dava zamanı bıçaqlanan bir adamın ölümü ilə əlaqədar həbs olundu.

Bu günahkar uşağın edam hökmü iki həftə əvvəl həyata keçirilməli idi, lakin beynəlxalq qurumların onun icrasına reaksiyası sonrası dayandırılmışdı.

Beynəlxalq Əfv Təşkilatı verdiyi açıqlamada, uşaq yaşdaykən cinayət işləyən bir şəxsə edam hökmünün verilməsi beynəlxalq insan hüquqları qanunlarını ciddi şəkildə pozur, çünki uşaqların işlətdiyi cinayətlər üçün edam hökmünün tətbiq edilməsini qətiliklə qadağan etdiyini söylədi.

Beynəlxalq Əfv Təşkilatına görə, 2019-cu ildə İranda həbs olunarkən 18 yaş altında olan ən azı altı nəfər edam edildi. Bu məruzədə İran həbsxanalarında ölüm hökmü ilə ən azı 90 məhkumu olduğu bildirilir.