Keçmiş MTN-in iki generalı həbs olunub; Paşinyan Putinlə 10 noyabr razılaşmasının icrasını müzakirə edəcək
Ermənistanın Baş naziri Nikol Paşinyanın aprelin 7-də Vladimir Putinlə danışıqları gözlənir, Suvarmada suyun “ədalətsiz bölüşdürülməsi geniş yayılıb”, – İlham Əliyev; Rəmiş vəfat edib, Prezidentin köməkçisi müharibədən sonra Azərbaycanın nəzarətinə qayıdan ərazilərdə mina problemindən danışıb, bu gündən Təhsil Nazirliyi ölkənin dörd ən böyük şəhərində və əhalinin sıx yaşadığı Abşeron rayonunda əyani məktəbləri məsafədən təhsilə keçirib – daha ərtaflı BBC News Azərbaycancanın icmalında.
Keçmiş MTN-in iki generalı həbs olunub
Ləğv edilmiş Milli Təhlükəsizlik Nazirliyinin sabiq idarə rəisləri, generallar Mövlan Şıxalıyev və Nizami Şirinov saxlanılıb.
Hər iki şəxs Baş Prokurorluğun İstintaq İdarəsində dindirilib. Sonra Nəsimi Rayon Məhkəməsi tərəfindən hər iki general barəsində həbs qətimkan tədbiri seçilib, Azərtac xəbər verib.
Baş Prokurorluğun mətbuat xidməti yaxın vaxtlarda məsələ ilə bağlı ictimaiyyətə ətraflı məlumat veriləcəyini bildirib.
BBC
