Kave Mədəni və Riza Kiyaniyan Urmiyə gölünün vəziyyətinin yaxşılaşdırılması iddiasını tənqid etməsi

Bir neçə dövlət rəsmisinin “Urmiyə gölünün vəziyyətinin yaxşılaşdırılması” ilə bağlı açıqlamalarından sonra “Kave Mədəni” və “Riza Kiyaniyan” bu bəyanatları tənqid edərək, yalandan uzaq durmağı və rəsmilərə cavab verməyi tələb ediblər.

Birləşmiş Millətlər Təşkilatının Su Təhlükəsizliyi Mərkəzinin rəhbəri Kave Mədəni “Yalan yasq” həştəqindən istifadə edərək son beş ildə Urmiyə gölünün vəziyyətinin peykdən çəkilmiş fotosunu twitində yerləşdirib və yazıb: “Son günlərdə bəzi İran rəsmiləri və mediası Urmiyə gölünün vəziyyətini yaxşılaşdırdıqlarını iddia edir. Bu peyk şəkilləri ardıcıl beş ildə (2018-2023) eyni vaxtda gölün vəziyyətini göstərir.

Mayın 4-də prezidentin birinci müavini Məhəmməd Müxbir Urmiyə gölünün xilası üçün görülən tədbirləri “qənaətbəxş” hesab edərək, bu iş üçün daha bir “2300 milyard tümən”in ayrıldığını elan edib.

İran Kosmik Təşkilatının sözçüsü Hüseyn Dəliriyan da mayın 13-də Twitter-də peyk görüntülərini dərc edib və yazıb ki, 13-cü hökumətdə Urmiyə gölünə su nəqli layihəsinin həyata keçirilməsi ona daxil olan suyun miqdarı problemini əhəmiyyətli dərəcədə həll edib”.

Eyni zamanda, tanınmış kinoaktyor Riza Kiyaniyan Yaponiyanın Urmiyə gölünün bərpası üçün ötən illərdəki yardımının “üç milyon dollar”ını itirdiyini açıqlayıb və soruşub ki, bu pullar hara “gedib”.

Mayın 27-də keçirilən və dünən, iyunun 1-də videosu yayımlanan toplantıda o, bir neçə il öncə Urmiyə gölünə yardım məqsədilə başlatdığı və “bir milyon səkkiz yüz min” imza toplanmasına səbəb olan kampaniyadan bəhs edib.

Cənab Kiyaniyan deyir ki, o, bu imzaları BMT ofisinə verib və bir müddət sonra bu təşkilat Urmiyə gölünü bərpa etmək üçün “Yaponiya vasitəsilə” İrana üç milyon dollar yardım edib, lakin bu pulların “bütün bu illərdən sonra” harada olduğunu bilmir və göl quruyur.