İranda saxlanılan Türkiyəli fotoqrafçı sərbəst buraxılıb
İranda saxlanılan türk fotoqrafçı və turist Bora Ömeraoğlu Türkiyənin İrandakı səfirliyinin təqibindən sonra sərbəst buraxılıb.
Bu məlumatlı mənbənin bildirdiyinə görə, o, azadlığa çıxandan sonra piyada olaraq Hindistana planlaşdırdığı səfərini yarımçıq qoyaraq Türkiyəyə qayıtmağa məcbur olub.
Türkiyədən İrana quru yol ilə gedən və Pakistana getmək istəyən Türk fotoqrafçı və turist Bora Ömeraoğlu 16 Dekabr 2021-ci il Şirazda saxlanılmışdı.
Bu Türkiyə vətəndaşının tutulması və saxlanmasının səbəbi məlum deyil, lakin dostları İsfahandan Şiraza gedən yolda Abadənin 5 km-ə qədər onunla əlaqə saxladıqlarını, lakin bundan sonra telefonunun işləmədiyini və bir müddət sonra həbs olunduğunu qısa bir zəngdə bildirdiyini deyiblər.
İsfahanda qaldığı son günlərdə o, İranda qalma müddətini uzatmaq üçün İmmiqrasiya İdarəsinə gedib və viza üçün müraciət edib, lakin məlumatlı mənbənin sözlərinə görə, immiqrasiya rəsmiləri onunla kobud davranıb və qeydiyyatdan keçməsinə baxmayaraq ona viza verməkdən imtina ediblər.
Son illərdə bir neçə Avropalı və Amerikalı turist İslam Respublikası tərəfindən qeyri-müəyyən ittihamlarla saxlanılıb. Onlardan biri də 6 il müddətinə azadlıqdan məhrum edilmiş İran əsilli Fransa vətəndaşı Fəriba Adilxahdır.
Siyamək Namazi və Baqir Nəmazi, Murad Tahabaz, Kamran Qadiri və Ənuşə Aşuri də daxil olmaqla bir sıra İranlı Amerikalılar da, ağır şəraitdə və ağır ittihamlarla üzləşərək İran həbsxanalarında saxlanılır.
Batı təhlilçiləri dəfələrlə bildiriblər ki, İslam Respublikası Batı hökumətlərindən pul qoparmaq üçün ikili vətəndaşlardan girov kimi istifadə edir.
ABŞ Xarici İşlər Nazirliyi dəfələrlə İran İslam Respublikası tərəfindən Amerika və Başqa vətəndaşların, o cümlədən ikili vətəndaşlıqlı iranlıların özbaşına həbsini pisləyib və onların dərhal və qeyd-şərtsiz azad edilməsini istəyib.
Ceyson Rezaiyan və Kylie Moore Gilbert də daxil olmaqla bir sıra keçmiş ikili vətəndaşlıqlı məhbuslar İranı xarici turistlərin səyahət etməsi üçün ən təhlükəli ölkə kimi təsvir etdi və onlara mümkün qədər İrana səyahət etməmələri barədə xəbərdarlıq etdi.
