اولدوز باجیم نئجه‌دیر وطنین دادی؟
اولدوز باجیم
نئجه‌دیر وطنین دادی؟
بو نه واز کئچیلمز بیر آجیلیق‌دیر؟!
شیرین گلیر دادینی آلدیقجا
بیزلر وطن عسگریییک باجیم!
بیزیم لای‌لاییمیز وطن ماهنی‌سی‌دیر
بیزلرین یاستیغی وطن
یوخوسو وطن
سویوق زیندان قوخوسو بیزلری جایدیرماز
بالیغی سودان می قورخودورلار گولوم؟!
بیزلرین اوره‌یینده ساوالان بویدا کدر وار
بو کدرلره زیندان کیچیک گلیر باجیم
قارداشیم
آنام
آتام
وطنیم!
گله‌جک اللریمیزده‌دیر.
.
رعنا زارع
