Əfqanıstan İrana sığınan əsgərlərinin qaytarılmasını istədi

İranın Ali Təhlükəsizlik Şurasına yaxın olan Nournews saytı, Əfqanıstan hökumətinin Taliban tərəfindən İslam Qala sərhəd keçid məntəqəsini ələ keçirməsindən sonra İrana sığınan əsgərlərin geri qaytarılması istəyini bildirdi.

Nournews, Silahlı Qüvvələrin Baş Qərargahındakı məlumatlı bir məqama istinad edərək bildirib ki, Kabil səlahiyyətliləri İranı əsgərlərini Kabilə qaytarılması üçün hazırlıqlar aparmağa çağırdılar və bu istəyi qəbul edərək İran əsgərləri geri qaytarmaq üçün Kabilə birbaşa uçuş hazırlayır.

8 İyul Cümə axşamı günü Əfqanıstanın Herat əyaləti ilə İranın Duğarun sərhədi arasındakı sərhədin sıfır nöqtəsindəki İslam Qala keçidi Talibanın əlinə keçdi.

İrana sığınan Əfqan əsgərlərinin şəkilləri İnqilab Keşikçiləri ilə əlaqəli telegram kanallarının yanında sosial mediada da yayımlandı.

Taliban bu il may ayının ortalarından bəri bir neçə əsas cəbhədə hücumlarına başladı və indi Əfqanıstanın 421 bölgəsindən 80-dən çoxunu nəzarətində olduğunu iddia etdi.

Rusiya Xarici İşlər Nazirliyi, Əfqanıstan-Tacikistan sərhədinin təxminən üçdə ikisinə Taliban tərəfindən nəzarət edildiyini təsdiqlədi.

İslam Respublikasına bağlı medialar Talibanın Əfqanıstandakı irəliləməsini xoş qarsalayıblar və bir sıra Əfqan rəsmiləri İranı bu qrupu idarə etməkdə günahlandırdı.

Əfqanıstan Prezidentinin müşaviri Şahüseyin Mortəzəvi, İranla olan sərhəd bölgədə Talibanın varlığından bir şəkil yerləşdirərək yazdı: Bəzi qonşu ölkələr bilərəkdən Talibanı gömrük nəzarətinə götürməyə rəhbərlik edir. Gəlir yığımını və bazarı pozmaq onların əsas hədəflərindən biridir.”

Taliban hücumlarının artması ABŞ və NATO qüvvələrinin Əfqanıstandan çıxmasından təxminən iyirmi il sonra üst-üstə düşür.

VOA