تورک میللی مدنی فعالارین حبس قرارلارینی آلماق موناسیبتی ایله : هانکی گوناه اوچون حبسه وئریلیرلر؟
بیانامه
بوگون آزربایجان گینه ده بیر آجى و كدرلى خبره شاهید اولدو. خالقیمیزین دؤرد تانینمیش ایگیدی و میللی مدنی آکتیویست لر، اکبر آزاد، علیرضا فرشی، بهنام شیخی و حمید منافی، دونیا آنا گون ائتگینلیینه قاتیلدیق لاری اوچون، تهرانین محکمه سینین 54 نجی بؤلومو هر بیرینی 2 ایل زیندان و 2 ایل سورگونه گؤنده رمک له اونلاری 4 ایل عرفه سینده آزادلیق دان محروم ائتدی.
ایران محکمه لرینین توتومو هر زامان خالقیمیزا و اونون آکتیویست لرینه قارشی شیدت و اوزون موددتلی زیندان اولموشدور. ایران جمعیتی نین 40 فایزینی تشکیل ائدن تورک لر، یاشادیغی اؤلکه ده و حتتا اؤز بؤلگه لری، گونئی آزربایجان دا ابتدایی حاق و اؤزگورلوک لردن هر زامان محروم قالمیشدیر.تورک لر 100 ایل دن بری آنا دیلینده تحصیل آلماق دان محروم اولموشدورلار و حتتا آنا دیلینده تحصیل آلماق حاققی اوچون هر فعالیت ائدن لر آغیر حبس لره معروض قالمیشدیرلار. بوگون تورک میللی مدنی آکتیویست لر و تورک خالقینین سیاسی حاقلارینی الده ائتمک اوچون چالیشانلار، او جمله دن لطیف حسنلی ایرانین دوستاق لارییندا اسیر کیمی ساخلانیرلار. ایران ایسلام رئژیمی آکتیویست لریمیزی آغیر حبس لرله معروض قویماق لا اونلارا گؤز داغی وئمه یه چالیشیر.
. آزربایجان دئموکراتیک بیرلییی – بیرلیک، ایران رژیمی نین تورک میللی مدنی آکتیویست لره قارشی توتومونو فاشیستی بیر سیاست اولاراق، شیددتله قیناییر و تورک/آزربایجان زیندانی لرینین در حال آزاد اولماسینی طلب ائدیر.
دیققت ائتمه لییک کی، آکتیویست لریمیز هانکی گوناه اوچون حبسه وئریلیرلر؟ و نه اوچون تورک خالقی ابتدایی حاق و اؤزگورلوک لردن محروم قالیر؟
آزربایجان دئموکراتیک بیرلییی – بیرلیک، تورک خالقی نین ایران دا ایچ سؤمورگه چی سیاستینه معروض قالماسین اینانیر و مورککب بیر ایستراتئژی جیزیمی اساسیندا، نئچه بویوت لو و اوزون موددت بیر موباریزه یه سؤیکن رک خالقیمیزین بو آغیر دوروم دان کئچمه سین ساغلاماغا چالیشیر.
بیز، بیرلیک ده، حبس ده اولان سیاسی و میللی مدنی آکتیویست لریمیزین، یولداش لاریمیزین آزاد اولماسی اوچون الیمیزدن گلنی اسیر گه مییه جه ییک. ایرانین دینچی فاشیست رئژیمی تورک خالقی نین گلیشمه سینین قارشیسیندا بیرینجی انگل و بیرینجی دوشمانی سایلیر و بیرلیک او رژیمین اورتادان قالدیریلماسی اوچون هر طرفلی بیر موباریزه ایناناراق چابا و چالیشما ایچینده دیر.
ایران دا محبوس لارین آزاد اولماسین طلب ائدیریک
تورک سیاسی و مدنی محبوس لار آزاد اولماسین دیله ییریک
یاشاسین تورک خالقی نین میللی آزادلیق موباریزه سی
آزربایجان دئموکراتیک بیرلییی – بیرلیک
20200120
