ايراندا گئنيش ياييلميش اعتيراضلاري دستکلييريک !
ايراندا گئنيش ياييلميش اعتيراضلاري دستکلييريک !
آذربايجان دئموکراتيک بيرليگي – بئرليک تشکيلاتينين №1 ائلاني،
ايراندا بوتون شهرلرده، او جومله‌دن آذربايجان شهرلرينده و ديگر تورک بؤلگه‌لرينده گئنيش ياييلميش اعتيراضلاري دستکله‌ييريک !
عزيز وطنداشلار،
سون بير نئچه گونده ّ ايراندا بنزينين قيمتينين آرتماسي ايله علاقه دار باشالايان و ايران ايسلام حؤکومتينين غدار، کورروپسييا و موللا رئژيمين بوتون دؤورونده وطنداشلارا ياشاديلان عدالتسيز سياستلردن دولايي اونلارين غضبيندن قايناقلانان اؤلکه‌نين بير چوخ شهرينده گئنيش اعتيراضلار گوندن-گونه آرتماقدادير. ايندييه قدر داها 10 وطنداشين اؤلدويو بيلديريلير.
اعتيراضلار شنبه گونوندن بري ايرانين موختليف شهرلرينده بنزينين قيمتينين بيردنبيره اوچ قات آرتماسينا قارشي باشلاياراق دئوام ائدير. اعتيراضين ايلک گونلرينده تبريز، اهواز،اصفهان، کرج، شيراز, سيرجان و تئهران و بير چوخ باشکا شهرده باشلاميشدير. اينسانلار اعتيراضلاريني يوللاري و کوچه‌لري باغلاماقلا، پوليس و باشکا موحافيظه اورقانلاري قووه‌لرينين ماشينلاريني يانديرماقلا و حؤکومت علئيهينه شوعارلار سسلنديرمک ايله .بيلديرمک ده‌لر. تهلوکه‌سيزليک و پوليس قوووه‌لري اعتيراضچيلارا سيلاح، دينک، گؤزياشارديجي گاز/ سپرئي تابانجا و …يله قارشيليقليق وئرير.
يارانديغي و اؤز کؤکونو ساليب يئريني مؤحکمله‌ديرمه‌سيندن بري ايران ايسلام رئسپوبليکاسي هر زامان اؤلکه‌ني زوراکي شکيلده ايسلاملاشديرماغا و ايسلامي بؤلگه اؤلکه‌لرينه صادير يا ايخراج ائتمه‌يه، تئرروريزمي ايخراج ائتمه‌يه و اؤلکه داخيلينده‌کي باسديريجي قووه‌لري سفيربرلشديرمه‌يه چاليشميشدير و اؤلکه‌نين گليرينين بير چوخ حيصه سيني بو يوللاردا صرف ائتميشدير. ايران پارلامئنتينين عوضوو شهاب نادئري ئفت گليرينين آرتماسينا راغمن،1396 جي ايلد، بؤلگه‌نين و دونيانين ان بؤيوک نئفت ايستحصالچيلاريندان بيري اولان ايراندا ميلتين 80% يوخسوللوق خطينين آلتيندا ياشاديغيني سؤيله‌ميشدير. بونا گؤره محض بئنزينين قيمتينين آرتماسي خالقين حدديندن آرتيق صبريني داشيران سون ساملا اولوب و اؤلکه داخيلينده گئنيش ياييلميش خالق اعتيراضلاري ايلديريم صورتيله آرتدي.
آذربايجان-بئرليک دئموکراتيک- بيرليگي – بيرليک اولاراق خالقين ايسلام رئژيمينين کورروپسيونئر و غدار رئژيمينه قارشي عدالتلي، طلبکار و جسارتلي اعتيراضلاريني دستکله‌ييريک .
آرديجيل، داواملي و ظفرلي اولسون خالقين غدار ايران ايسلام رئژيمينه قارشي عدالتلي و جسارتلي موباريزه‌سي !
آذربايجان دئموکراتيک بيرليگي – بئرليک
16. نويابر 2019
