اعتماد قزئتی: ایرانلیلارین یوزده ۲۷-سی گونده ایکی دلار ایله یاشاییر
“اعتماد” قزئتی بیر راپوردا “ایرانلیلارین یوزده ۶.۵-نونون دوزگون بسلنمه‌دیگینی” قئید ائتمکله یاناشی، یازیب: “ایستاتیستیکا ایداره‌سی‌نین ان سون راپورلاریندان بیرینده بللی اولوب کی، ایرانلیلارین یوزده ۲۷-سی گونده ایکی دلار ایله یاشاییر”.
راپوردا دئییلیر: “اهالی آراسیندا چکی آزلیغی، بوی قیسالیغی، کسکین آریقلاما کیمی قیدا چاتیشمازلیغی‌نین علامتلری موشاهیده اولونور. بو، ایرانین دونیانین ان بؤیوک نفت و گاز رزرولرینه صاحیب اؤلکه‌لریندن بیری اولماسینا باخمایاراق و قلوبال آجلیق ایندئکسینه (GHI) گؤره، ایرانین دورومو لوبنان و مراکئش کیمی اؤلکه‌لرله یاناشیدیر”.
راپوردا علاوه اولونور کی، آراشدیرمالار گؤستریر کی، ایراندا قیدا چاتیشمازلیغی سببیندن اینسانلارین یوزده ۶-سی اورتا چکیده، یوزده ۲۵ یونگول چکیدن آزدیر، یوزده ۳ دوشوک بویدا، یوزده ۸ اورتا بویدا، یوزده بیری چوخ آز چکی و یوزده ۵ ایسه اورتالامادان آز چکیده‌دیر.
اعتمادین یازدیغینا گؤره، بو پروبلئمین کؤک سببینی آراشدیرماق اوچون ائولرده ارزاق گوونلیگی، آنا ساغلاملیغی و یا اوشاق باخیمی‌نین یئترسیزلیگی و سو و ساغلاملیق خدمتلرینه ال چاتماماسی کیمی اساس عامللری قئید ائتمک لازیمدیر.
بو، ایراندا ساغلیق خرجلری‌نین اؤنملی درجه‌‌‌ده آرتماسی و موعالیجه‌‌‌لرین اؤنملی بیر حیصه‌‌‌سی‌نین ائو خرجلرینی قاپسادیغینی گؤستردیگی بری واختدا باش وئرمکده‌دیر.
