جناب پروین-ین یاخینلاری و بو آذربایجانلی فعالین وکیلی خانیم حسین‌زاده‌نین دئدیگینه گؤره مرتضی پروین، تهران اینقیلاب محکمه‌‌سی‌نین ۱۵-جی شؤبه‌سی‌نین باشقانی حاکم صلواتی طرفیندن “داخیلی/خاریجی گوونلیگه قارشی جینایت تؤرتمک اوچون توپلاشماق و البیر اولماق اتهامی ایله ۵ ایل و ایران ایسلام جمهورییتینه قارشی تبلیغات”  اتهامی ایله ۱ ایل حبس و ۲ ایل سوسیال حوقوقلاردان و پارتییا و قروپلارا عضولوکدن محروم ائدیلیب.

مرتضی پروین بو آغیر و عدالتسیز جزانی ائله بیر حالدا آلیب کی، اطلاعات قوه‌لری طرفیندن قانونسوز حبس اولوندوغو دوققوزونجو آی ایچینده اطلاعات قوه‌لری‌نین موداخیله‌سی و محکمه‌‌ اورقانلاری‌نین مانعه‌لری ایله خسته‌لیگینه باخمایاراق موعالیجه‌‌‌ خیدمتلریندن و مووقتی آزادلیقدان محروم ائدیلیب.

جناب پروین، اوین اطلاعات ناظرلیگی‌نین امکداشلاری‌نین قانونسوز دیندیرمه‌لر زامانی گؤستردیکلری روحی تضییقلره اعتراض اولاراق ۱۵ گون آجلیق آکسییاسی کئچیریب.

«آراز امان»، «طاهر نقوی»، «مرتضی پروین»، «حسین پیری»، «عبدالعزیز عظیمی قدیم»، «باقر حاجی‌زاده»، کمال نوری و «آیاز سیف‌خواه»، اؤتن ایلین بهمن آییندا اؤلکه‌نین گوونلیک قوه‌لری طرفیندن آنلیق عملیاتلاردا آذربایجانین چئشیدلی شهرلرینده حبس ائدیله‌رک اوین حبس‌خاناسینا کؤچورولوب.