بهرام اشجع اردبیل اطلاعات ایداره‌سی‌نین تجرید‌خاناسیندان آزاد ائدیلدیکدن بیر گون سونرا شوبهه‌لی شکیلده اؤلوب ۲۹ مرداد ۱۴۰۳
اردبیلده یاشایان تورک وطنداش بهرام اشجع اردبیل اطلاعات ایداره‌سی‌نین تجرید‌خاناسیندان سربست بوراخیلدیقدان بیر گون سونرا شوبهه‌لی شکیلده دونیاسینی ديیشیب.
ایکی هفته اؤنجه او، اطلاعات ایداره‌سی‌نین امکداشلاری طرفیندن “سوسیال شبکه‌لرده فعالیت و فعاللارلا علاقه” آدلاندیردیقلارینا گؤره حبس ائدیلیب.
داها اؤنجه ده ایرانین موختلیف شهرلرینده بیر نئچه سیاسی و مدنی فعال ایران ایسلام جمهورییتی‌نین گوونلیک قوروملاری‌نین تجرید‌خانالاریندان سربست بوراخیلدیقدان سونرا یا شوبهه‌لی شکیلده دونیاسینی ديیشیب، یا دا ساغالماز خسته‌لیکلره توتولوب.
حاضردا بیر نئچه تورک مدنی فعال خسته‌لیکلرینه باخمایاراق اوین خسته‌خاناسیندا پیس شرایطده ساخلانیلیر و بو فعاللارین ساغلیق مرکزلرینه گؤندریلمه‌مه‌سی عائله‌لری و مدنی فعاللاری قایغیلاندیریب.
