اسماعیل کریمی‌نین دفن مراسیمی سونراسی ۵ چئوره فعالی حبس ائدیلیب
دونن ۳ مرداد گونو چئوره فعاللاریندان بیری اولان “اسماعیل کریمی”نین دفن مراسیمیندن سونرا گوونلیگ گوجلری مراسیمده ایشتیراک ائدن بعضی فعاللارا هوجوم ائده‌رک، آزی ۵ نفری حبس ائدیب.
بو باره‌ده بیلگیلی بیر قایناق بیلدیریب: “اسماعیل کریمی‌نین دفن مراسیمیندن سونرا گوونلیک گوجلری کامیاران شهری یاخینلیغیندا بیر سیرا چئوره فعاللارینی موحاصیره‌‌‌یه آلدی و مراسیمده ایشتیراک ائدن اطراف موحیط فعاللاریندان ۵ نفرینی سلاح گوجو ایله حبس ائتدی”.
بو بیلگی صاحیبی قایناغین بیلدیردیگینه گؤره، “«آمانج قربانی»، «فردین موفقی»، «امیر ندیمی»، دونن اسماعیل کریمی‌نین دفن مراسیمیندن سونرا حبس ائدیلن اوچ چئوره فعالدیر.
بو واختا قدر ساخلانیلانلارین دورومو و اونلارین هارادا اولماسی باره‌ده بیلگی یوخدور.
بو گون تورپاغا تاپشیریلان اسماعیل کریمی ۱ مرداد بازار ائرته‌سی گونو کانی گئشه کندی‌نین اوتلاق ساحه‌‌‌لرینده باش وئرن یانغینی سؤندوررکن قضایا دوشن و آلدیغی آغیر یانیقلار سببیندن ۳ مرداد گونو خسته‌خانادا دونیاسینی ديیشن بی‌کندی شهری‌نین فعاللاریندان بیری ایدی.
اونون دفن مراسیمینده چوخلو سایدا چئوره فعالی اونون جنازه‌سینی چیچکلرله موشایعت ائده‌رک دفن ائدیبلر.
