اردبیل ایالتی‌نین گرمی شهرینده ۴.۸ گوجونده زلزله باش وئریب
اردبیل ایالتی‌نین گرمی شهرینده ۱۰ کیلومتر درینلیکده ۴.۸ گوجونده زلزله باش وئریب. بو زلزله‌‌‌نین شدتی ائله اولوب کی، اینسانلار کوچه‌لره آخیشیب.
بو جوما سحر ساعت ۷:۱۳-ده اردبیل ایالتی‌نین قوزئی و مرکزی بؤلگه‌لرینده ۴.۸ گوجونده زلزله باش وئریب.
تهران بیلیم‌یوردونون زئوفیزیک انستیتوسونون سیسموگرافی مرکزی ایلکین راپوروندا بو زلزله‌‌‌نین یئرینی اردبیل ایالتی‌نین قوزئیینده گرمی شهری یاخینلیغیندا و ۱۰ کیلومتر درینلیکده اعلان ائدیب.
بو زلزله چئشیدلی شهرلرده، او جومله‌‌‌دن اردبیل، گرمی، نمین و بیله‌سواردا گوجلو حیس اولونوب.
آلینان بیلگیلره گؤره، بو زلزله آذربایجان جمهورییتی و ارمنیستاندا دا حیس اولونوب.
هله‌لیک تلفات و داغینتیلار باره‌ده بیلگی یوخدور.
