تورک مدنی فعال صیاد محمدیان سربست بوراخیلیب
تورک مدنی فعال صیاد(اووچو) محمدیان گوونلیک گوجلری طرفیندن ساخلانماسیندان بیر کئچدیکدن سونرا محکمه‌یه قدر مووقتی اولاراق حبسدن سربست بوراخیلیب.
بو مدنی فعال ۲۶ خرداد ۱۴۰۳ شنبه گونو ۷۰۰ میلیون تومن گیروو قارشیلیغیندا کرج مرکزی حبس‌خاناسیندان سربست بوراخیلیب.
جناب محمدیان ۲۶ اردیبهشت‌ده حبس اولوندوقدان سونرا عائله‌‌‌سی ایله و وکیلله گؤروشمک ایمکانیندان محروم ائدیلمیشدی.
صیاد(اووچو) محمدیان ۲۶ اردیبهشت ۱۴۰۳-جو ایل سحر ساعتلاریندا کرج شهرینده گوونلیک گوجلری طرفیندن حبس ائدیلمیش و ائوینده آختاریش آپاران گوونلیک گوجلری اونون شخصی اشیالارینی اله کئچیرمیشدیر.
بو آذربایجانلی فعال اؤتن ایللرده سیویل فعالیتینه گؤره دفعه‌‌لرله حبس ائدیلیب و دیندیریلیب.
سون بیر نئچه آیدیر کی تورک مدنی فعاللار بلیرسیز اتهاملار ایله اطلاعات مامورلاری طرفیندن توتولاراق بلیرسیز دورومدا و عائله‌لری ایله ایله‌تیشیمدن محروم قالاراق ساخلانیلیرلار.
