قزوینده اتومبیللرینی تحویل آلا بیلمه‌ین وطنداشلارین اعتراض توپلانتیسیندا ان آزی ۳ نفر حبس ائدیلیب
قزوینده اتومبیللرینی رضایت خودرو آدلی شرکتدن تحویل آلا بیلمه‌ین وطنداشلارین ۸ خرداد ۱۴۰۳-ده قزوین والیلیگی بیناسی قارشیسیندا کئچیردیکلری اعتراض توپلانتیسیندا ان آزی ۳ نفر حبس ائدیلیب.
بو ایتکی‌دن نصیبینی آلان وطنداشلار اعتراض آکسییاسی کئچیره‌رک قزوین عدلیه بیناسیندان بو شهرین والیلیک بیناسینا دوغرو یوروش ائدیبلر و سجاد محمدبیگی، مصطفی رنجبر و علی بیگدلی آدلی ۳ وطنداش حبس ائدیلیب.
سوسیال شبکه‌لرده یاییملانان بو توپلانتی‌نین ویدئوسوندا توپلاشانلارین ایزدیحامی گؤرونور کی، بو توپلاشما سببیندن والیلیگه گئدن کوچه بیر نئچه دقیقه ایچینده باغلانیب و آوتوموبیللرین سیخ حرکتینه سبب اولوب.
بازار ائرته‌سی، ۷ خرداد ۱۴۰۳-ده ایسه اراک‌دا میلّی منزیل پلانینا موراجعت ائدن بیر قروپ والیلیک بیناسی قارشیسیندا بو منزیل پلانی‌نین لنگ گئتمه‌سینه اعتراض ائتدی.
بازار ائرته‌سی تبریزده ده بورس آراجی شرکتلری‌نین بیر قروپ چالیشانلاری بیلگی سایار و تیجارت سیستمینی سؤندورمکله گونده‌لیک فعالیتلرینی حیاتا کئچیرمکدن ایمتینا ائده‌رک اعتصابا باشلاییبلار.
بو اعتصابلر سون آیلاردا بورس‌دا یارانمیش کریتیک دوروم و بیر نئچه مین ایندئکس واحیدی‌نین آشاغی دوشمه‌سینه اعتراض اولاراق کئچیریلیب.
Iranwire
