جبرئیل پاک روح گوونلیک اورقانلاری طرفیندن حبس ائدیلیب
تورک مدنی فعال جبرئیل پاک روح فیزیکی دورومونون پیس اولماسینا باخمایاراق ۲۴ اردیبهشت ۱۴۰۳-ده گوونلیک گوجلری طرفیندن حبس ائدیلیب.
جناب پاک روحون اؤولادلاری مریم و سجاد تبریزین فتا پولیسی قرارگاهی قارشیسیندان ویدئو یاییملایاراق آتالاری‌نین حبسینی اعلان ائدیبلر و فیزیکی دورومونون پیس اولماسی اوزوندن اونون حبسی‌نین سونوجلاریندان ناراحات اولدوقلارینی بیلدیردیلر.
بو آنا قدر جناب پاک روحون حبسی‌نین سببلری باره‌ده آیرینتیلی بیلگی یوخدور، لاکین اونون حبسی‌نین تبریز ساوجیلیغینا چاغیریلماسی ایله باغلی اولماسی مومکوندور.
بو ایل اردیبهشت آییندا عدلیه‌نین الکترون بیلدیریش سیستمی واسطه‌‌‌سیله آلینان بیلدیریشه اساساً، جبراییل پاک روح تقصیرلندیریلن اتهامی ساوونماق اوچون تبریز عومومی و اینقیلاب ساوجیلیغی‌نین بیرینجی شؤبه‌سینده چیخیش ائتمه‌لی ایدی.
بوندان اؤنجه جناب پاک روح اؤزونون، قارداشی‌نین و اوغلونون دورومونو فارس دیلینده بیر ویدئودا ایضاح ائتمیشدی.
جناب پاک روح، قارداشی اسد و اوغلو فرهاد پاک روح ایله بیرلیکده تبریزده جنایت پولیسی مامورلاری طرفیندن حبس ائدیله‌رک تبریزین ۱۴-جو پولیس بؤلمه‌سینه آپاریلیب و بیر گون طبی خیدمتلردن محروم ائدیلیبلر.
