ابراهیم ساوالان‌ین گیروو قارشیلیغیندا سربست بوراخیلماسی‌نین قارشیسی آلینیب
ژورنالیست، یازار و تورک مدنی فعال ابراهیم ساوالان‌ین (رشیدی) عائله‌‌‌سی‌نین موراجعتلرینه باخمایاراق خیاو (مشگین شهر) محکمه‌سی‌نین بیرینجی شؤبه‌سی‌نین حاکمی ۵۰۰ میلیون تومنلیک گیروو قراری اولماسینا باخمایاراق، بو مدنی فعالین آزادلیغا بوراخیلماسینا قارشی چیخیب.
بو مدنی فعالین قارداشی محمد رشیدی شخصی اینستاگرام حسابیندا بیلدیریب کی، پروندهنین حاکمی پروندهنین ناقص اولماسی بهانه‌سی ایله قراری قبول ائتمکدن و جناب رشیدی‌نین مووقتی آزادلیغا بوراخیلماسیندان ایمتینا ائدیب.
داها اؤنجه بو آذربایجانلی فعالین یاخینلاری‌نین وئردیگی بیلگیلره گؤره، جناب رشیدی یاخینلاری ایله ایله‌تیشیم قوراراق اونلارا بیلگی وئریب کی، خیاو (مشگین شهر) اینقیلاب ساوجیلیغی‌نین بیرینجی شؤبه‌سینده اونا قارشی “ایران ایسلام جمهورییتینه قارشی تبلیغات آپارماق” و “قامو اویونو راحاتسیز ائتمک مقصدی ایله یالان یایماق” ماده‌‌سی ایله اتهام ایره‌لی سورولوب و ۵۰۰ میلیون تومنلیک چیروو چیخاریلاراق بیر آی حبس قراری وئریلیب.
جناب رشیدی ۹ دی گونو خیاو شهری‌نین میرکندی کندینده آتاسی‌نین ائوینده گوونلیک گوجلری طرفیندن حبس ائدیلیب و ۱۰ دی ۱۴۰۲-ده اردبیل شهری‌نین اطلاعات ایداره‌سی‌نین تجرید‌خاناسینا کؤچورولوب.
ابراهیم رشیدی تانینمیش آراشدیرماجی، ژورنالیست و مدنی فعالیدیر. او، آیدا بیر یاییملانان بایرام و یاییملانماسی قاداغان اولونان نوید آذربایجان درگی‌لری‌نین یاییم هئیتی‌نین عضوو، بلاگ یازاری و اولدوز اؤیرنجی ژورنالی‌نین باش مودیری و بولوت اؤیرنجی درگی‌سی‌نین باش یازاری اولوب.
ابراهیم ساوالان سون ۲۰ ایلده مدنی فعالیتلرینه گؤره دفعه‌‌لرله توتولوب، حبس ائدیلیب و ایشگنجه‌لره معروض قالیب.
