میلاد جلیلی و سالار طاهرافشار تبریز اینقیلاب محکمه‌‌سینه چاغیریلیب
میلاد جلیلی و سالار طاهرافشار “ثنا” عدليه اورقانی‌نین الکترون بیلدیریش سیستمی واسطه‌‌‌سیله آلدیقلاری بیلدیریشه اساساً، ۷ بهمن ۱۴۰۲-ده ساعت ۱۰-دا تبریز اینقیلاب محکمه‌‌سی‌نین ۲-جی شؤبه‌سینده اولمالیدیلار.
سالار طاهرافشارین اتهامی محکمه‌نین ایلکین مرحله‌‌‌سینده “رژیمه قارشی تبلیغات” آدلاندیریلیب و تبریزین مرکزی زیندانیندا حبسده اولان میلاد جلیلی‌نین اتهاملاری ایله باغلی آیرینتیلی بیلگی یوخدور.
بو ایل ۷ آذر گونو حبسده اولان تورک مدنی فعاللارینا دستک مقصدیله رپ ماهنیسی ایفا ائتدیکدن سونرا فتا پولیس قوه‌لری طرفیندن حبس ائدیلن تورک رپر میلاد جلیلی (ایلشن) تبریزین مرکزی حبس‌خاناسینا کؤچورولوب و گیروو قارشیلیغندا سربست بوراخیلماسی اوچون عائله‌سی‌نین باشوورولاری سونوجسوز قالیب.
سالار طاهرافشار ۲۸ آذر ۱۴۰۲-ده اورمیه‌ده گوونلیک گوجلری طرفیندن حبس ائدیله‌رک تبریز اطلاعات ایداره‌سینه کؤچورولدو و ۵ گون ساخلاندیقدان سونرا گیررو قارشیلیغیندا سربست بوراخیلدی.
