تبریزلی رپر میلاد جلیلی حبس ائدیلیب
گوونلیک گوجلری بو گون تبریزده ائلشن آدی ایله تانینان رپر میلاد جلیلی حبس ائدیب.
ایران‌وایرین الده ائتدیگی بیلگیلره گؤره، گوونلیک گوجلری بو چارشنبه آخشامی سحر میلاد جلیلی‌نی حبس ائده‌رک بیلیرسیز یئره آپاریبلار. بو رپرین حبسی‌نین سببلری و اونو حبس ائدن قوروم باره‌ده هله کی، بیلگی یوخدور.
آنجاق گؤرونور، ائلشن‌ین حبسی بو رپرین آذربایجانلی سیاسی محبوسلارا دستک اوچون موسیقیلر ایقا ائتمه‌سی ایله باغلیدیر. دونن میلاد جلیلی اینستاگرام صفحه‌‌‌سینده اعتراض یازیسی درج ائده‌رک، سون آیلاردا حبس اولونان مدنی فعاللارینی آزاد ائتمه‌یه چاغیریب.
۱۴۰۲-جی ایلین شهریوریندن و قادین، حیات، آزادلیق اعتراضلاری‌نین ایل‌دؤنومو ایله عینی واختدا موختلیف شهرلرده اونلارلا آذربایجان وطنداشی حبس ائدیلیب و یا آغیر حبسلره محکوم ائدیلیب. بو طی این مدت «آرمیتا پاویر»، «رویا ذاکری»، «مرتضی نورمحمدی»، «داوود شیری»، «علی بابایی»، «امیرحسین آقایی»، «محمدرضا موحد»، «آزار ابراهیم‌زاده»، «جواد سودبر»، «مهرداد قادری»، «حسین آزادی»، «ابراهیم عوض‌زاده»، «صابر حسین‌زاده»، «ناصر رزمجو»، «آیت (یوروش) مهرعلی‌بیگلو»، «حامد یگانه‌پور» و… ۱۴۰۲-جی ایلین شهریور-آبان آیلاریندا، تهران، تبریز، صوفیان و گرگر شهرلرینده حبس ائدیلیب. بو وطنداشلارین هامیسی حبس اولوندوقدان سونرا تبریزه کؤچورولوب و حبسیندن هفته‌لر کئچمه‌سینه باخمایاراق، هله ده تبریز اطلاعات ایداره‌سی‌نین تجرید‌خاناسیندا و یا بو شهرین مرکزی حبس‌خاناسیندا بلیرسیز دورومدا قالیبلار.
بو وطنداشلارین هامیسی حبس اولوندوقدان سونرا تبریزه کؤچورولوب و اونلارین بعضیلری‌نین حبسیندن هفته‌لر کئچمه‌سینه باخمایاراق، هله ده تبریز اطلاعات ایداره‌سی‌نین تجرید‌خاناسیندا و یا بو شهرین مرکزی حبس‌خاناسیندا بلیرسیز دورومدا قالیبلار.
