صابر حسین زاده گیروو قارشیلیغیندا تبریز حبس‌خاناسیندان سربست بوراخیلیب
صابر حسین زاده ۲ آذر ۱۴۰۲-ده آخشام ساعتلاریندا تبریز مرکزی حبس‌خاناسیندان گیروو قارشیلیغیندا سربست بوراخیلیب.
صابر حسین زاده ۲۳ مهر ۱۴۰۲-جی ایل بازار گونو دوغو آذربایجانین توفارفان (آذرشهر) شهرینده گوونلیک گوجلری طرفیندن حبس ائدیلیب.
اونون عائله‌‌‌سی گوونلیک گوجلری‌نین تهدیدینه گؤره احتیاط ائده‌رک بو محبوس باره‌ده خبر وئرمکدن چکینمیشدیلر.
جناب حسین زاده‌نین حبسینین سببلری، اتهاملاری و گیروو مبلغی بو واختا قدر بللی دئییل.
سون آیلار آذربایجانین شهرلرینده، اؤزللیکله ده تبریز شهرینده حبسلرین حجمی آرتیب.
۱۴۰۲-جی ایل شهریورده باشلایان حبسلرین یئنی مرحله‌‌‌سی و آذربایجانلی مدنی فعاللارا قارشی تضییقلرین گوجلنمه‌سی ایله عینی واختدا بو فعاللارین بیر قیسمی هله ده تبریز اطلاعاتی ایداره‌سی‌نین تجرید‌خاناسیندا بلیرسیز دورومدا ساخلانیلیرلار.
