تحصيل و مدنيت ساحه سينده چاليشانلارين اوتورما ائعتيراضين دان حيمايت ائديريک
ايرانين تحصيل و مدنيت تشکيلاتلارينين کوورديناسيا شوراسينين سون بياننامه و چاغريسي، اصلينده بير چوخ سايدا چاليشماقدا اولان مدني کاديرلار و يا تقاودچولرين یا امکلی لرین اعتيراضلارينين آرديدير، کي خصوصا مئهر و آبان آيلاريندا اوتورما اعتيراضلارينين گئنيش شکيلده ايشتيراکچيلاري طرفيندن وئرميشدير.
سون ايللرده موختليف واسيطه‌لر ايله تحصيل و مدنيت خاديملري اولسون ايشله‌ين اولسون تقاودچولریا امکلی لر، اؤلکه‌ده تحصيل سيستئم اينه اعتيراض ايله ياناشي،هم دا شاغي امک حاقي،آنورمال ايش وضعيتي ايله باغلي اعتيراضلار ائتميشلر. بو اعتيراضلارا ايران رئژيمينين رئاکسياسي،اکثر حاللاردا يئغينجاقلاراهوجوم، دؤيولمه،ايشدن قووماق،توتوقلاماق و حبسه آتماق اولموشدور.
ائله بونا گؤره‌ده ايسفند ايينين12 و 13 و 14 جو گونلري،اوتورما اعتيراضيندان اولان چاغريدا مدنيت صينيف ا ينده اولان بوتون توتولانانلار و حبسده اولانلارين آزاد ائديلمه‌سي و بوتون بئلنچي دوسييئه لئرين بيردفعه‌ليک باغلانماسي باشدا گلن ايستکلردن دير.
ايکينجي ايستئک کيمي مدنيت خاديملري بوتون مدني و مولکي حاقلارينين بيلينجيندئ اولاراق،آزاد مدني قوروم يا سئنديکالارين يارانماسيني طلب ائتديلر.
باشکا ايستکلر ايچيندئ تحصيله يئتئرلي اويغون بودجه‌نين وئريلمئه سي،پوللو مکتبلر سياستيني دايانديرماق،تقاودچولرين امک حاقيني ايشله‌مکده اولان کادر سويييه‌سينه ياخينلاشديريب اونلارين گليريني يوخسوللوق حدديندن يوخارييا قالديرماق ويارارسيز سيغورتا موقاويله‌لرينين لغو اولونما طلبي واردير.
“ايراندا آزادليق و برابرليک دايانيشماسي “تحصيل و مدنيت خاديملرينين اوتورما اعتيراضلاريني تمامن دستک لييه‌رک،بوتون باشکا اينسان گروپلاريني،او جومله‌دن مکتب شاگيردلري و طلبه‌لري اونلاردان حيمايه ائتمه‌يه دعوت ائديب،عئيني زاماندا اونلارين حاقلي اعتيراض سسلريني يوکسک سويييه‌ده عکس ائتديرمه‌يه چاليشير.
ايران دا آزادليق و برابرليک اوچون دايانيشما
9 ايسفند 1397 / 28 فئورال 2019
