مرتضی نورمحمدی نادارلی تبریز مرکزی حبس‌خاناسینا کؤچورولوب
تورک مدنی فعال مرتضی نورمحمدی نادارلی دونن، جوما آخشامی، ۶ مهر ۱۴۰۲-جی ایلده تبریز مرکزی حبس‌خاناسینا کؤچورولوب.
جناب نورمحمدی نادارلی‌نین تبریز عومومی و اینقیلاب ساوجیلیغی‌نین ۱۵-جی شؤبه‌سینه ایستیناد ائده‌رک اونون تبریزین مرکزی حبس‌خاناسینا کؤچورولمه‌سی ایله باغلی یاخینلارینا بیلگی وئریلیب.
بو خبری یازان واختا کیمی بو مدنی فعالا قارشی پرونده‌نین و اونا قارشی اتهاملا باغلی آیرینتیلی بیلگی یوخدور.
تورک مدنی مرتضی نورمحمدی نادارلی ۱۸ شهریور ۱۴۰۲-ده اؤولادینین کیملیگی اوچون صوفیان شهری‌نین قئیدیات ایداره‌سینه چاغیریلیب و بو ایداره‌یه گئلدیگی زامان اطلاعات مامورلاری طرفیندن ساخلانیلیب.
مرتضی نورمحمدی نادارلی ساخلاندیقدان سونرا مامورلار اونو ائوینه گؤتوروب و بو فعالین ائوینده آختاریش آپاردیقدان سونر بعضی شخصی اشیالارینی او جومله‌دن کیتابلارینی موصادیره ائدیبلر.
