آیلار حقی‌نین دوغوم گونونو عائله‌‌‌سی اونون یوخلوغوندا قوتلاییب
مرحوم آیلار حقی ملکی‌نین عائله‌‌‌سی دونن ۲۰ شهریور ۱۴۰۲-ذه اعتراضلاردا اؤلدورولن بو مرحومون دوغوم گونونو اونون یوخلوغوندا آتاسی ائوینده قوتلاییب.
رجب حقی‌ملکی تورک و فارس دیللرینده ویدئو یاییملایاراق اعلان ائتدی: اورییمیزین داغی یئنیدیر و بو داغ هر گون داها دا یئنیلنیر. آنجاق بو گون هر زامان قلبیمیزده قالاجاق و بیز بو گونو هر زامان عزیز توتاجاغیق. آیلار بالام دوغوم قونون قوتلو اولسون.
دوغو آذربایجانین ملکان شهریندن اولان آذربایجانلی طب اؤیرنجیسی آیلار حقی‌ملکی ۱۴۰۱-جی ایل ۲۵ آبان چارشنبه گونو تبریز شهری‌نین اعتراضلاریندا اؤلدورولوب.
تبریز شهرینده کئچیریلن اعتراض آکسییالاری زامانی بیر بینایا سیغینان آیلار حقی گوونلیک گوجلری طرفیندن یئره ییخیلیب و بدنینه تیکیلمکده اولان بینانین دمیری‌نین باتماسی سونوجوندا اؤلوب.
گوونلیک گوجلری اؤلن تورک قیزین جسدینی دوغما شهریندن اوزاقدا، وادی رحمتده ساکیتجه دفن ائتمک شرطی ایله تحویل وئرمیشدی.
Film/ Instagram:
https://www.instagram.com/p/CxFXSeBthWn/
