غلامرضا اصغری اردبیل شهرینده حبس ائدیلیب
صنفی فعال و اردبیل موعلیملر بیرلیگی‌نین عضوو غلامرضا اصغری دونن ۷ شهریور ۱۴۰۰-جی ایلده شخصی ائوینده گوونلیک گوجلری طرفیندن حبس ائدیلیب.
آذربایجان اینسان حوقوقلاری جمعيتی‌نین (ارک) وئردیگی بیلگیلره گؤره، بو موعلیملر بیرلیگی‌نین عضوو حبس اولوندوقدان سونرا بلیرسیز بیر یئره آپاریلیب.
بو فعالین حبسی محکمه حؤکمو اولمادان و عائله‌سینه قارشی هده قورخو ایله باش وئریب.
بو آذربایجانلی موعلیمین حبسی ایله باغلی اردبیل موعلیملر بیرلیگی‌نین عضوو، بهرام نعمتی بیلگی وئریب: جناب غلامرضا اصغری، امکلی موعلیم و اردبیلین و اؤلکه‌نین موعلیملر بیرلیگی فعاللاریندان و ایران-عراق ساواشی یارالیلاریندادیر. هر چارشنبه آخشامی اولدوغو کیمی کئچیریلن موعلیملر بیرلیگی توپلانتیسیندا ایشتیراک ائتمه‌یه حاضرلاشیرکن حبس اولووب.
