آذربایجان ایشچیلری‌نین حوقوقلارینی ساوونان صنفی فعال اسماعیل حیدری دوغو آذربایجان ایالتی‌نین ورزقان شهری‌نین گوونلیک گوجلری طرفیندن حبس ائدیلیب.

یاخینلاری‌نین بیلدیردیگینه گؤره، اؤنجه‌لر سونگون میس معدنی ایشچیلری‌نین دورومونا اعتراض ائتدیگی اوچون حبس ائدیلن جناب حیدری ۳۰ مرداد ۱۴۰۲-ده ورزقان شهری‌نین گوونلیک گوجلری طرفیندن حبس ائدیلیب.

بو واختا کیمی بو مدنی فعالین حبسی‌نین سببلری، اتهاملاری و اونا قارشی چیخاریلان قرارلا باغلی هئچ بیر بیلگی یوخدور.