دوغو آذربایجان وکیللر بیرلیگی:وکیللر بیرلیکلری‌نین باغیمسیزلیغی بو قدر سارسیلمامیش و محروم ائدیلمه‌میشدی
۲ شهریور ۱۴۰۲-جی ایل جوما آخشامی گونو بیر قروپ وکیل ایرانین بیر سیرا شهرلرینده مجلیسین قرارلارینا اعتراض اولاراق اعتراض آکسییالاری کئچیریب.
آذربایجان غربی , چاهارماهال و بختیاری، خوراسان، کیرمانشاه و یزد بیرلیکلری‌نین عضوو اولان وکیللر بو اعتراض توپلانتیلاریندا ایشتیراک ائده‌رک مجلیسین قرارلارینی وکیللر بیرلیگی‌نین باغیمسیزلیغینا ضد حساب ائدیبلر.
ایران وکیللر بیرلیگی‌نین اعتراضی مجلیس نوماینده‌‌لری‌نین بازار گونو، ۲۹ مرداددا کئچیریلن آچیق اوتورومدا یئنی بیر قرار ایله اونلار وکیللر بیرلیکلری‌نین اقتصاديات ناظرلیگی‌نین تنظیمله‌مه کومیته‌سی‌نین تصدیقینه رعایت ائتمیی طلب ائدیبلر و عینی زاماندا بو کومیته‌نین تصدیقلری‌نین ایداری محکمه‌ده لغو ائدیلمه‌سینی قاداغان ائدیبلر.
بونونلا باغلی اولاراق، “دوغو آذربایجان وکیللر بیرلیگی‌نین رئیسی” وکیللیک پئشه‌سی‌نین مجلیسده ماليه‌لشدیرمه و اورتیمده سیچراییش پلانی‌نین تصدیقلنمه‌سینه جاواب اولاراق دئدی: پهلوی عائله‌‌‌سی‌نین ایستیبداد و دیکتاتورلوغو دؤورونده ده وکیللر بیرلیکلری‌نین باغیمسیزلیغی بو قدر سارسیلمامیش و محروم ائدیلمه‌میشدی، ایران ایسلام جمهورییتی هارا گلیب چاتدی کی، بئش-آلتی ملت وکیلی بو مدنی-حوقوقی قورومون باغیمسیزلیغینی الیندن آلیب اونون ۷۰ ایللیک کئچمیشی ایله اوینایا بیلر.
دوغو آذربایجان وکیللر بیرلیگی‌نین رئیسی، حسن پاشازاده، اوزون مدتدیر مجلیسین وکیللر بیرلیگینه قارشی یاناشماسینا توخوناراق دئییب: خالقین گئچینمه‌سینی دوشونمه‌سی گرکن مجلیس و اونون ملت وکیللری اؤلکه‌نین و موککلرین منافعیینه گؤره قرار وئرمه‌لیدیرلر، چوخ تأسف کی، وکیللره و وکیللر بیرلیگینه قارشیدیرلار.
