سعید مینایی بیر نئچه ساعتلیق سورغو-سؤالدان سونرا سربست بوراخیلیب
تورک مدنی فعال سعید مینایی دونن، ۱۶ مرداد ۱۴۰۲-ده بوناب شهرینده گوونلیک گوجلری طرفیندن بیر نئچه ساعتلیق حبس و سورغو-سؤالدان سونرا سربست بوراخیلیب.
بو مئدیا فعالی تهدید و هده-قورخو ایله حبس ائدیله‌رک دیندیریلیب، موبیل تلفونو ایسه گوونلیک ایشچیلری طرفیندن گؤتورولوب.
ایندیه قدر جناب مینایی‌نین حبسین سببلری نئجه آزادلیغا بوراخیلماسی باره‌ده هئچ بیر بیلگی یوخدور.
سعید مینایی ۳ اردیبهشت ۱۳۹۷-ده ده حسن روحانی‌نین تبریز شهرینه سفری زامانی بوناب شهری‌نین گوونلیک پولیسی طرفیندن حبس ائدیلمیشدی.
او ایکی گئجه حبسده قالدیقدان سونرا ۱۵ میلیون تومن گیروو قارشیلیغیندا مووقتی آزادلیغا بوراخیلیب و داها سونرا براعت قازانمیشدی.
سعید مینایی‌نین حبسینه سبب میلی دوشونجه تلگرام کانالیندا اورمیه گؤلونون قوروماسینا اعتراض چاغیریشینی یایدیقدان سونرا حبس اولموشدو.
قئید ائدک کی سون گونلر بیر چوخ تورک مدنی فعال گوونلیک قوه‌لری طرفیندن چاغیریلیب.
