تبریزلی موعلیم بهرام یعقوبی مجبوری امکلیلیگه چیخماغا محکوم ائدیلیب
تبریزلی موعلیملر بیرلیگی فعالی بهرام یعقوبی موعلیملرین اعتراض آکسییالاریندا ایشتیراک ائتمک کیمی سببلره گؤره دوغو آذربایجان تحصیل ایشچیلری‌نین اینضیباطی خطالارینی آراشدیران ایلکین هیات شوراسی طرفیندن مجبوری امکلیلیگه چیخماغا محکوم ائدیلیب.
جناب یعقوبی‌‌یه قارشی ایره‌لی سورولن اتهاملار آراسیندا، “حؤکومته قارشی تبلیغات،”، “اعتراض آکسییالاریندا ایشتیراک”، “خاریجی مئدیا ایله ایله‌تیشیم”، “قامو اویونو تحریک ائتمک و موعلیملری اعتراض آکسییالارینا چاغیرماق” واردیر.
بوندان اؤنجه‌ده مدنی وامک فعالیتلرینه گؤره تضییقلره معروض قالان بهرام یعقوبی‌نین حبس ائدیله‌جه‌یینه زمین حاضرلاندیغی احتیمال ائدیلیر.
بوندان اؤنجه ۱۲ مهر ۱۴۰۱-جی ایلده گوونلیک گوجلری بهرام یعقوبینی تبریزده‌کی ائوینده حبس ائدیبلر.
حبس زامانی مامورلار اونون ائوینده آختاریش آپاریب، اونون و حیات یولداشی‌نین بیلگی‌سایاری و تلفونونو موصادیره ائدیبلر.
جناب یعقوبی ۱۳۵۳ دوغوملودور و یوکسک لیسانس درجه‌سی واردیر و ۳۱ ایلدیر موعلیم اولاراق فعالیت گؤستریر.
