بئش تورک مدنی فعالین دیندیرمه ایجلاسی کئچیریلیب
تورک مدنی فعاللار داود شیری، حسین امانی، جواد احمدزاده، محمدعلی رضایی و علیرضا صبری‌نین، شنبه گونو، ۱۷ تیر ۱۴۰۲-ده تبریزین عومومی و اینقیلاب ساوجیلیغی‌نین ۱۵-جی شؤبه‌سینده ایستینطاق ایجلاسی کئچیریلیب.
بو آذربایجانلی فعاللارین یاخینلاری بیلدیریبلر کی، اونلارین ایلکین اتهامی ایسلام جمهورییتینه قارشیتبلیغات اتهامی ۱۵-جی شؤبه‌نین موستنطیقی جناب موسوی طرفیندن “توپلانماق و ال بیر اولماق ایله ديیشدیریلیب و بو، تورک فعاللار حبس ائدیلدیگی واختدان هر هانسی بیر قانونسوز فعالیتی و قئید اولونان اتهاملاری رد ائدیبلر.
فعاللار محکمه‌‌‌نین الکترون سیستمی (ثنا) واسطه‌‌‌سیله آلدیقلاری بیلدیریشه اساساً، ۵ گون ایچینده تبریزین عومومی و اینقیلاب ساوجیلیغیندا اولمالیدیلار. بو فعاللار اونلارا قارشی ایره‌لی سورولن اتهاملاری ساوونماق اوچون تبریزین عومومی و اینقیلاب ساوجیلیغی‌نین ۱۵-جو شؤبه‌سینه گئدیبلر.
حسین امانی، داود شیری، جواد احمدزاده و علیرضا صبری ۲۸ اردیبهشتده گوونلیک گوجلری طرفیندن حبس ائدیلمیش و بیر مدت سونرا تبریزین مرکزی حبس‌خاناسیندان سربست بوراخیلیبلار. محمدعلی رضایی‌نین ساخلانما و سربست بوراخیلماسی نه‌دنی و واختی حاققیندا آیرینتیلی بیلگی یوخدور.
