قائم‌شهر‌ده ۱۴ بهایی وطنداش ۳۱ ایل حبسه محکوم ائدیلیب
قائمشهر اینقیلاب محکمه‌‌سی حاکم فقیهانین باشقانلیغی ایله ۱۴ بهایی وطنداشی ایسلاما قارشی ائیتیم و ساپما تبلیغات فعالیتی اتهامی ایله حبس و جریمه‌لره محکوم ائدیب.
حؤکمه اساساً، «ساناز حکمت شعار» و «بیتا حقیقی»، هر بیری ۳ ایل حبس و اوتوز میلیون تومن پول جزاسینا محکوم ائدیلیب. آیریجا «سامیه قلی نژاد»، «مهسا فتحی»، «بصیر صمیمی»، «انیس سنایی»، «نازنین گلی»، «نگار دارابی»، «هنگامه علیپور»، «گلبن فلاح»، «افنانه نعمتیان»، «مجیر صمیمی»، «سام صمیمی» و «مانی قلی نژاد»، هر بیری ایکی ایل بیر آی مدتینه آزادلیقدان محروم ائدیلیب.
محکمه بو بهایی وطنداشلارین حبسی زامانی اله کئچیریلن بوتون اشیالاری حؤکومتین خئیرینه موصادیره ائدیب.
بو اون دؤرد بهایی وطنداش ۹ شهریور ۱۴۰۱-ده قائم‌شهر‌ده حبس ائدیلدی و اونلارین هر بیری بیر مدت سونرا گیروو قارشیلیغیندا سربست بوراخیلدی.
الده ائدیلن بیلگلره گؤره، مهسا فتحی، سامیه قلی نژاد، نگار دارابی، بصیر صمیمی و هنگامه علیپور ساری ساکینی، افنانه نعمتیان، مجیر صمیمی، مانی قلی نژاد، نازنین گلی، سام صمیمی، ساناز حکمت شعار، بیتا حقیقی و گلبن فلاح ساکن قائمشهر و انیس سنایی، بابلسر ساکینلری
