آذربایجانلی حکیم اسدالله اسدی حبس ائدیله‌رک تبریز مرکزی حبس‌خاناسینا کؤچورولوب
حکیم و کئچمیش تورک سیاسی محبوس اسدالله اسدی شنبه گونو ۳ تیرآخشام ساعتلاریندا گوونلیک گوجلری طرفیندن حبس ائدیلیب.
دوکتور اسدی‌نین اوغلو بابک اسدی شخصی اینستاگرام صفحه‌‌‌سینده آتاسی‌نین دونن یکشنبه گونو ۴ تیرده تبریز مرکزی زیندانینا کؤچورولدویونو آچیقلاییب.
امکلی ائیتیم چالیشانی و ساغلیق اوزره عومومی دوکتور اسدالله اسدی مدنی فعالیته گؤره دفعه‌‌لرله ساخلانیلیب و حبس ائدیلیب.
او ۱۳۹۳-جو ایلده ده ساخلانیلاراق اوین حبس‌خاناسینا کؤچورولموشدو و داها سونرا الی آیاغی باغلی شکیلده بو حبس‌خانانین تجریدخاناسینا آپاریلمیشدی.
