حال‌وش: مولوی عبدالحمیده قارشی ترور پلانی‌نین قارشیسی آلیندی
ازار ائرته‌سی، ۲۹ خرداد گونو حال‌وش خبر آژانسی زاهدانین سونی جوما ایمامی مولوی عبدالحمید اسماعیل زهی‌یه قارشی ترور پلانی‌نین قارشیسی‌نین آلیندیغینی اعلان ائدیب.
حال‌وشین یازدیغینا گؤره، مکی مسجیدی‌نین قورومالاری دینی طلبه آدی آلتیندا اینقیلاب کئشیکچیلری اطلاعاتی طرفیندن مولوی عبدالحمید اسماعیل زهی‌نی سم ایله ترور ائتمک اوچون گؤندریلن شخص بللی ائدیله‌رک توتولوب.
حال‌وش، بو شخصین اعترافیندا، اینقیلاب کئشیکچیلری اطلاعاتی‌نین اونا وئردیگی گؤرو اساسیندا مولوی عبدالحمیدی ترور ائتمک قصدی‌نین اولدوغونو سؤیله‌دی.
بو خبر آژانسی‌نین خبرینه گؤره، مولوی عبدالحمیدین ترور پلانی‌نین پوزولماسی خبریندن سونرا زاهیدان اهالیسی مکی مسجیدینه دوغرو ایره‌لیله‌ییب و شهرین اینترنتی جدی شکیلده کسیلیب.
زاهدانین اورتامی دا داها گوونلیک اورتامی اولوب، شهرین گیریش-چیخیش منطقه‌‌‌لری حربچیلر و گوونلیک گوجلری طرفیندن ایداره اولونور و وطنداشلار یوخلانیلیر.
بو خبر درج اولونانا قدر ایرانین دؤولت یئتکیلیلری بونا هئچ بیر تپکی وئرمه‌ییب.
