شقایق دهقانا قارشی “گئرچک اولمایان ایچریک” یایماق اتهامی ایله یئنی سوچ اعلان ائدیلمه‌سی
تانینمیش ایرانلی اویونچو “شقایق دهقان”ین “کیان پیرفلک”ین آنادان اولماسی‌نین ویدئوسونو درج ائدیب اونا دستک وئرمه‌سیندن سونرا “میزان” خبر آژانسی تهران ساوجیلیغی‌نین بو اویونچویا قارشی سوچ اعلان ائتدیگینی، اونو “بعضی یالان ایچریک یایماق” ایله اتهام ائتدیگینی بیلدیریب.
کئچن ایل ۲۵ آباندا ایذه‌ده کئچیریلن اعتراض آکسییالاریندا اؤلدورولن اوشاق کیان پیرفلکین ۲۱ خرداد ۱۴۰۲-جی ایلده و دوغوم گونو ایله عینی واختدا گوونلیک ایشچیلری ۲۱ خرداد ۱۴۰۲-جی ایلده و اونون یاخینلاری‌نین مزارینا گئتمه‌سینه مانع الوب و گوونلیک اورتامی یاراداراق “ماه منیر”ین عمیسی اوغلو و میثم پیر فلکین دایی‌سی اوغلو “پویا مولایی‌راد” آدلی گنج بیرباشا گولـله ایله اؤلدورولدو.
شقایق دهقان مرحوم اؤولادی‌نین دوغوم مراسیمیندن ماه‌منیر مولایی‌رادین جانلی ویدئوسونو یاییملاییب و یازیب: باجیم، عمیم قیزی، بیبی ماه‌منیر خانم.
بوندان اؤنجه شقایق دهقانین وکیلی کاوه راد مووکیلی‌نین ارشاد محکمه‌‌سینده حجاب شرعی اولمادان ائشیکده اولدوغونا گؤره ۱۰ گون حبس جزاسی آلدیغینی آچیقلامیشدی و یازمیشدی: لاکین محکمه خانیم دهقانین حبس جزاسینی جریمه ایله عوض ائدیب.
خانیم دهقانین وکیلی کاه راد بو حؤکمو ایله باغلی بیلدیریب: عومومی گوونلیک پولیسی‌نین خانیم دهقانا قارشی شیکایتیندن سونرا آچیلان بو پرونده یوخاریداکی حؤکمون چیخاریلماسینا سبب اولوب و انون اتهامی‌نین ۸-جی درجه‌‌‌لی جینایتلردن بیری اولدوغو اوچون چیخاریلان حؤکم قطعیدیر و شیکایت ائدیله بیلمز.
ایراندا عومومی اعتراضلار باشلایاندان بری بیر چوخ قادین مجبوری حجابا اعتراض ائده‌رک حجابینی چیخاریب. خانیم دهقان کیمی بیر چوخ اویونچو، او جومله‌‌‌دن ترانه علیدوستی و کتایون ریاحی، پانته آ بهرام و باران کوثری و… دفعه‌‌لرله خالقا دستک اولوب، توپلومدا مجبوری حجابسیز گؤرونوبلر.
