آزربایجان دموکرات پارتیسی نین بیرخرداد قیامی نین ایل دونومی حاقدا بیانیه سی
ایستبدادی توپلوملاردا عمومی بیر ایستک او قدر گوجلو و بوتون اولمالیدیر کی، اوستون مئدیالارین بایکوتونا رغما، میلیونلارجا شهرداشینی( جنسیتلریندن، اینام و سوسیال طبقه‌لریندن آسیلی اولمادان)، اوُز اطرافینا ییغا بیلسین.
بو ایستک, عموم خالق‌دا یئترینجه ماراق یارادا بیلسین دئیه، تمل احتیاجلاری، تهلوکه‌سیزلیک، گوذران و گلیر کیمی اوُنملی و واجیب اولمالیدیر.
ایران تورکلری و اوُزللیکله آذربایجانلی‌لار، ۸۵ اینجی ایلین خورداد آیی‌ندا، میلیونلارجا اینسانین اعتراضلاری بونو گوُرستدی کی، کئچن یوز ایلده بوتون ایران تورکلری علیهینه حیاتا کئچن خشن و غیر اینسانی دیل و کولتور سوی‌قیریمی موطلقا قبول ائدیجی دئییل.
ایرانین بوتونجول پوپولیستلری کی، ( اراضی بوتولونلوک) عونواندا قاریشیق بیر قاوراملا، غیر فارس میللتلرین بوتون کولتور و دیل‌لرینی آرادان آپاریرلار، بونو بیلمه‌لیدیرلر، سون رفراندومدا تورکلره ، آزادلیق قالخیشیندا میلیونلارجا اینسانلارین حوضورویلا گوُرستدیلر کی، مغرورجانا اوُز دیل و مدنیتلرینه وفالیدیلار و پهلوی و ج.ا. نین قارا سیاستلریله موخالیفدیرلر.
یوز‌ایللرجه ایران جوغر افیاسیندا حکومت ائدن تورکلر، دیل و کولتور اوستونلوگو ائتمیبلر و هر تورلو اوستون توتماقدان بئزار اولوبلار.
بو باخیشلا او ائیلمین قاباریق سلوقانی” هارای هارای من تورکم” اولموشدور. بو نژادی بیر شعار یوخ، ایران جوغرافیاسیندا میللی عدالت طلبلیق مونالیزاسیدیر. بو اعتراضلار عین حالدا ایندیکی عصیرده، ایکی فاشیست رژیمی‌نین غیر اینسانی آسیمیلاسیون سیاستینه بیر بوُیوک” یوخ” دئمه‌گیدی.
بو شعاری کورد وطنداشلاری اوُز شهرلری سنندج، کیرمانشاه‌دا، و عرب، بلوچ، تورکمن , گیلک… دوستلاریمیز اوُزلرینه عاید اولان شهرلرده سسللندیرسلرسه بو عدالتطلبلیک تابلو، داها دا گوُزل اولار. بوتونجول‌لرین مئدیا تحریفلرینه رغما ایران تورکلری بو حاقلارینا گوُره دیشاری چیخیرلار و باشقا قونولاردا بو گئنیشلیکده اعتراضلاردا حاضیر اولمورلار ایه، بو آنلاما گلمز کی، ایکی رژیمده، آذربایجان، ایقتصاد ائیتیم ایدمان، ساغلام ساحه‌لرینده سایسیز آیری‌سئچگی سورونلالا آلیشیب، یا خود ایشسیزلیک، یوخسوللوق، تهلوکه‌سیزلیک و فساد او یئرلرده یوخدور! یوخ بو داورانیش، ایران تورکلرینه دیل، کولتور و تاریخین داها دا اوُنملی اولدوغونون گوُسترگه‌سیدیر.
بونو بیلمه‌ین بیر کس یوخدور کی، آذربایجان ایالتلری، گنجلری‌نین ایش و گئچینه‌جک پرابلئملری ندنیله، فارس‌دیللی ایالتلرینه مهاجرت ائدنلرین ان چوخ سایدا اولانلاریدیر. چون کیرمان، یزد، ایصفاهان و خوراسان اوستانلاری‌نین ایللیک کئچینجه( بودجه‌سی) ایرانین تورک اوستانلاری‌نین اون قاتیدیر.
بو گون آرتیق بیلیریک، ایسراغا گون ساری طنزده دئولتین رسمی گونده‌لیینده تورکلری، توالتین پیس‌‌پیسلییی ائدیب، اوشاق پروگرامیندا اوشاغین دیشلرینی دیش فیرچاسیلا یوودوردان و عین حالدا، اعتراضلارین قارشیسیندا اوُزلرینی حاقلی سایاراق تورکلری تمدونا صبیرلی اولماغا چاغیران کسلر، دونن‌ایسه، اعتراض ائله‌دیکلری حالدا، قطر دونیا فوتبال چئمپویونوندا میللی تاکیمین اویونچولارینا اهانت اولماسین دئیه، “پارسی یوزلاری”، “ایرانلی پوفیوز” آدلاندیردیلار. ( ایرانا اهانت اولسا دا اوُنملی دئییل).
یوخاریدا ورغولانان قونولارا ایشاره اولوناراق، آذربایجانین دموکرات پارتیاسی بیلدیریر کی، ۸۵-اینجی ایلین خورداد آیی‌نین عدالتطلبلیک قیامی‌نین ایل دوُنومون‌ده، مدنی وسیاسی فعال‌لارین، ایران و خاریجده، او جومله‌دن تبریز و اورمیه یغینجاقلاریندان، هابئله، بو ایل می آینین ۲۰ سی اینده برلین یغینجاقلاریندان حمایت ائدیب و ایرانین باشقا تورکلریله بیرگه “منیم دیلیم اوُلن دئییل” و “هارای هارای من تورکم” شعارینی، آزادلیق، عدالت، میللی حکومت شوعاریلا بیرگه، سسلندیره‌جکدیر.
آزربایجان دموکرات پارتیسی
مای ۲۰۲۳( اردی‌بهشت ۱۴۰۲)
