مشگین شهرده آریچیلار فرمانداری قارشیسیندا اعتراض آکسییاسی کئچیریب
اردبیل ایالتی‌نین مشگین شهر شهری‌نین بعضی چئوره فعاللاری و بیر قروپ آریچی بال آریلاری‌نین کوتلوی شکیلده اؤلدورولمه‌سینه اعتراض اولاراق بو شهرین فرمانداریسی قارشیسیندا اعتراض آکسییاسی کئچیریب.
ایران‌وایره چاتان بیلگیلره گؤره ۱۹ فروردین ۱۴۰۲-جی ایل، شنبه گونو مشگین شهرین چئوره فعاللاری و آریچیلاری اللرینده اللرینده اکینچیلیک سملرینه نظارت ائدیلمه‌مه‌سی آریلارین زهرلنمه‌سینه نه‌دن اولور، آریچیلارین دادینا یئتیرین یازیلی پلاکاتلار توتاراق آریچیلارین پروبلئملرینه دقت یئتیرمیی ایسته‌ییبلر.
قئید ائدک کی، تارلالاردا و باغلاردا ضرروئریجی اوتلارین محو ائدیلمه‌سی اوچون «فیپرونیل ۸۰ فایز WG» سمیندن ایستیفاده ائدیلیب کی، بال آریلاری‌نین هر ایل دهشتلی ایتکیسینه سبب اولور. اوزمانلارین فیکرینجه، دونیادا آرتیق ایستیفاده ائدیلمه‌ین بو محصول چیندن گتیریلیر.
اردبیل ایالتی اؤلکه‌ده بال اؤرتیمینده دؤردونجو یئرده‌دیر و اؤلکه‌دکی بالین یوزده ۷-سی بو ایالتده اورتیلیر.
