بریتانییادا ایسلام جمهورییتی ایله باغلی ۱۵ تررور پلانی بللی ائدیلیب
ایسلام جمهورییتینه اولوسلارآراسی تضییقلرین آرتدیغی بیر واختدا بریتانییانین تئررورلا موباریزه پولیسی‌نین رئیسی خاریجی گوجلر طرفیندن حاضرلانان سوءقصدلرین آرتماسی ایله باغلی خبردارلیق ائدیب و بو تهدیدلردن ۱۵-نین ایسلام جمهورییتی ایله باغلی قتل و یا آدام اوغورلوغو پلانلاری اولدوغونو آچیقلاییب.
بؤیوک بریتانییانین آنتی تئررور پولیسی‌نین رئیسی بیان ائدیب کی، بؤیوک بریتانییادا دوشمن حؤکومتلرله باغلی اونلارلا عملیات آشکار ائدیلیب، تئررورچو قروپلارین حرکتلرینه قارشی ۸۰۰ پرونده داوام ائدیر. ایران، چین و روسیادان باشقالاری دا وار. بو بریتانییالی مامورون اتهام ائتدیگی اؤلکه‌لر ده بو کیمی سوءقصدلر حاضرلاییبلار.
لاکین او، علاوه ائدیب کی، بو ایستاتیستیکادا حؤکومت عملیاتلاری‌نین سایی‌نین آز اولماسی اونلارین داها یوکسک قاریشیقلیغی ایله باغلیدیر، بو دا اونلارین ایداره ائدیلمه‌سی اوچون داها چوخ قایناق و آراشدیرما طلب ائتمه‌سی دئمکدیر.
تخمیناً اوچ آی اؤنجه اسکاتلندیارد اؤز سلاحلی مامورلارینی ایران اینترنشنالین لوندونداکی اوفیسی‌نین یاخینلیغیندا آچیق شکیلده یئر‌لشدیردی. اؤتن هفته بو تلویزیونون اوفیسی‌نین یاخینلیغیندا تئررور مقصدی ایله بیلگی توپلاماقدا شوبهه‌لی بیلینن بیر نفر حبس ائدیلیب.
جناب جوکس دئدی: “ایرانین بیزه عونوانلادیغی تهدید چوخ تأثیرلی و جدی تهلوکه‌‌‌دیر. بیز بو حؤکومتلرین موخالیف حساب ائتدیکلری شخصلره قارشی تئرور، تعقیب و زوراکیلیقلا مشغول اولماسینا ایمکان وئرمه‌یه‌جییک.”
