حامد قشقایی مووقتی اولاراق سربست بوراخیلیب

ایران‌وایرین الده ائتدیگی بیلگیلره گؤره ایراندا تانینمیش داغچیلاردان اولان حامد قشقایی ۱۶ بهمن گونو مووقتی اولاراق سربست بوراخیلیب

حامد قشقایی گیروو قارشیلیغیندا مووقتی اولاراق محکمه‌‌یه قدر سربست بوراخیلیب.

قئید ائدک کی، ایران و اولوسلارآراسی جامعه‌ده تانینان داغچی و قایایادیرمانما اوزره مشقچی حامد قشقایی ۱۹ آباندا گوونلیک گوجلری طرفیندن ساخلانیلیب.

اونون شیرازین دراک یوکسکلیگینده “آزادلیق” سؤزو یازدیغینا گؤره حبس ائدیلدیگی و ساختا اتهاملارلا جینایت پرونده‌سی آچیلدیغی بیلدیریلیر.