یاشار دارالشفا حبس‌خانادا دوکتورلوق تئزینی ساووندو
بازار ائرته‌سی ۳ بهمن ۱۴۰۱، رجایی‌شهر حبس‌خاناسیندا محبوس اولان سوسیال ریفاه علملری بیلیم‌یوردونون ساغلاملیق و سوسیال ریفاه اوزره اؤیرنجیسی یاشار دارالشفا ۳ اوستاد حاکمین قارشیسیندا حبس‌خانادا دوکتورلوق تئزینی ساووندو.
حبسده اولان بو اؤیرنجی ایشچیلرین دورومونو و ریفاهی‌نین آراشدیریلماسی آدلی تئزینی یازیب و دونن ساوونوب.
یاشار دارالشفا قارداشی کاوه دارالشفا ایله بیرلیکده ۱۳۹۸-جی ایلین آبانینداکی عومومی اعتراضلاردان سونرا اؤیرنجی‌لرین گئنیش شکیلده حبسی زامانی گوونلیک گوجلری طرفیندن حبس ائدیلمیش و بیر مدت سونرا اوین حبس‌خاناسیندان گیروو قارشیلیغیندا سربست بوراخیلمیشدی. نهایت، اونلارا سیرا ایله ۱۰ و ۱۵ آی حبس جزاسی وئریلیب.
۲۳ مرداد ۱۴۰۱-جی ایلده بو ایکی قارداش جزالارینی چکمک اوچون اوین حبس‌خاناسینا گئتدیلر.
۲۳ مهر ۱۴۰۱-جی ایل آخشام اوین زیندانیندا یانغین زامانی یاشار و کاوه دارالشفا بیر سیرا باشقا محبوسلارلا بیرلیکده رجای‌شهر حبس‌خاناسینا سورگون ائدیلدی.
