تبریزلی وطنداش توحید درویشی ایشگنجه آلتیندا موحاریبه ایله گوناهلاندیریب

تبریز حبس‌خاناسینداکی گوونیلیر قایناقلار ایران‌وایره بیلدیریبلر کی، توحید ۲ آیدان چوخدور کی، تبریزده اینقیلاب کئشیکچیلری اطلاعاتیندا ایشگنجه آلتیندادیر و حاضردا تبریز حبس‌خاناسی‌نین تجریدخاناسیندادیر.

او، تبریزین شهناز مئیدانی یاخینلیغیندا موتور اوستونده ایشله‌ییردی، گوونلیک گوجلری اونو، پژمان اسلامی‌نی و داها بئش نفری حبس ائتدیلر.

توحیدین عائله‌‌‌سینه یاخین قایناقلارین بیلدیردیگینه گؤره، سورغو-سؤالچیلار توحیده تضییق ائده‌رک خطیب‌ده بانکی یاندیردیغینی و اجاقی آدلی بسیجی‌نی اؤلدوردویونو اعتراف ائتمه‌سینی ایسته‌میشدیلر. او بو اتهاملاری رد ائدیر. آدی چکیلن بسیجی امین قاوشاغی و شهناز مئیدانیندا هوجوما معروض قالارکن، توحید درویشی‌نین تبریزین والمان محله‌سینده و شهنازدان اوزاقدا اولدوغو بیلدیریلیر.
#عومومی_اعتراضلار