هرانا: ایراندا اعتراض آکسیالاریندا اؤلنلرین سایی ۴۵۹ نفره چاتیب
ایراندا اینسان حاقلاری فعاللاری اورقانی اولان “هرانا”نین وئردیگی بیلگیلره گؤره، ایراندا عومومی اعتراضلارین باشلادیغی ۲۶ شهریوردن ۹ آذر چارشنبه گونونه قدر بو اعتراضلار زامانی آزی ۴۵۹ اعتراضچی اؤلدورولوب کی، اونلاردان ان آزی ۶۴ نفری اوشاق و اون سککیز یاشینا چاتمامیش یئنی‌یئتمه‌لر ایدی.
ایراندا اینسان حاقلاری فعاللاری اورقانی‌نین وئردیگی بیلگیلره گؤره، آزی ۱۸ مین ۱۹۵ اعتراضچی حبس ائدیلیب و ایرانین ۱۵۷ شهری ایسلام جمهورییتی قارشیتی اعتراضلارا صحنه اولوب.
بو راپوردا ۵۷۶ اؤیرنجی‌نین حس ائدیلدیگی و بو مدت ایچینده ان آزی ۱۴۳ بیلیم‌یوردونون اعتراضلارینا صحنه اولدوغو آچیقلانیر.
ایرانداکی حوقوق ساوونوجولاری قروپو دا حبس ائدیلمیش ۳ مین ۴۴۶ اعتراضچی‌نین کیملیگینی آچیقلاییب.
ایران‌وایر طرفیندن آپاریلان آراشدیرمالارا اساساً، ایندییه‌دک ایرانین ۲۲ ایالتینده کئچیریلن اعتراض آکسییالاریندا آزی ۳۷۸ حیاتینی ایتیریب.
خاطیرلاداق کی، ایکی گون اؤنجه اینقیلاب کئشیکچیلری حربی هاوا قوه‌لری‌نین کوماندانی امیرعلی حاجی‌زاده ایراندا سون اعتراضلاردا گوونلیک گوجلری ده داخیل اولماقلا ۳۰۰-دن چوخ آدامین اؤلدورولدویونو آچیقلامیشدی.
#عومومی_اعتراضلار
