دسامبر 1 2022

ایرانلی بیر نئچه قادین حاقلاری مدافعه چیلری و قادین حاقلاری تشکیلاتلاریندان 2022- جی ایل نوبل صلح جایزه سینی آلماقا نایل اولانلارا آچیق مکتوب

نوبل مکافاتی قازانان سایین و دگرلی،

الکساندرا ماتویچوک، (اوکراینادا مدنی آزادلیقلارین مرکزینین صدری)،

آلس بیالیاتسکی(فعال زیندانی)،

و الساندر چرکاسوف، Memoral (یادبود) مرکزینین صدری

بیز اوز صمیمی تبریکلریمیزی، سیزین اوز اولکه نیزده قاباریق چالیشمالارینیزی، جنگی جنایتلری، اینسان حاقلارینی تاپدالاماقلاری و قدرت الیله استثماری، بلگه سل ائتمه گه گوره، سیزه سونوروق.

بیز، بیر عیده قادین و بشر حاقلاری مودافعه چیلری، سیز نوبل مکافاتلاری قازانانلاردان، آشاغادا ورغولادیغیمیز موضوعلار حاقدا، باخیشینیزی ایستیریک.
اینانیریق بئله بیر مکافاتی قازانماق ایفتخاری سیزین بوینوزا آغیر بیر سوروملوق قویور.
ایسلام جمهوری دئولتینین ایران خالقینین مدنی و صولح محورلی اعتراضلارینین خشونتله تاپدالاماسی، بیزیم اوچون آجیناجاقلی و نیاران ائدیجیدیر.
مهسا امینی نین تراژدیک اولوموندن سونرا، ایراندا اعتراضلار باشلانماسیلا، پلیس و ایران رژیمینین وحشی خشونتلری، سوسیال مئدیالاردا هامینین گوز اونونه سرگیلنیبدیر.
“قادین، یاشام آزادلیق” سلوقانی سسلندیرن، اوشاق، یئنی یئتمه و سیلاحسیز قادین، کیشی، پلیس و امنیتی مامورلار طرفیندن گوله لنیرلر.
بو بیر حالدا اوز وئریر کی، اسلام جمهوریسی اینترنتی محدود ائتمکله، رژیمین بشر حاقلارینی تاپدالاماق وشیددت اویغولاماغینین گورونمه سینه مانع توردیر.
بوراجان، یوزلر اینسان، ۱۸ یاشدان آشاغا اوشاق اولدورولوبدور. اوشاقلاردان اوچ نفری توتولوب، آزاد اولاندان سونرا انتحار ائدیبلر.
مینلرجه اعتراضچی قادین اوشاق توتوقلانیب، بیر چوخو ایسه یوخ اولوبلار.
بو حالدا عائله لر توتوقلانان عضولریندن خبرسیز، اونلارین دیری اولماغلاریندان خبر بیلمه گه چالیشیرلار.
بو اعتراضلارین اصل قوربانلاری قادینلاردیلار.
سی-ان-انین آجیناخلی و شوک ائدیجی ریپورتو بو عونواندا:

“(How Iran´s security forces use rape to quell protests, Qiblawi et.al.)

گورسدیر کی، رژیم چالیشیر جنسی تجاوز و تعرضلا، اعتراضلاری دایاندیرسین.
ایراندا اوز وئرن اولایلار اصلا قبول ائدیجی دییل و چوخ نیاران ائدیجیدیر.
اغتراض ائدنلری بو شکلده تاپدالاماق، اینسانی دیرلری اوچون اینام و مباریزه ائتدیمیزین تام علیهینهدیر و دایاندیریلماسی گرکیر.
بیز سیزدن، نوبل صلحی مکافاتی قازانان اینسان عونوانیلا، ایستیریک، صراحت و اوجا سسله اسلو دا نوبل جایزه سی تقدیمتاتی مراسم اینده ایران خالقینین علیه ینه اولان بو شیددتلری قینایب، محکوم ائده سینیز.