آدام قاچیرمانین اینکاری و یا تصدیقی؟ علی کریمی هئچ نه دئمیر
۱۳۹۰-۱۳۸۰-جی ایللرده جناب فاضلی آوروپا و ایران فوتبولوندا علی کریمی‌نین منئجری اولوب.
عینی زاماندا رادیو فردانین موخبیری مهدی رستم‌پور اؤز اینستاقرام صفحه‌‌‌سینده علی کریمی‌نین مشهور بیر سلبریتی طرفیندن علی کریمی‌نین قاچیریلماسی ایله باغلی پایلاشیمینا جاواب اولاراق اونون اوچون اورک و گول ائموژیلریندن ایستیفاده ائتدیگی شکیل یاییملاییب کی بو خبرین تصدیقی اولاراق گؤندریلمیش بیر مئساژدیر.
آنجاق بیر نئچه دقیقه سونرا سینما و تلویزیون اویونجوسو پرستو صالحی علی کریمی ایله صؤحبتی‌نین شکلینی یاییب.
خانیم صالحی طرفیندن یاییملانان شکیلده علی کریمی مشهور سلبریتی‌نین اونو قاچیرماغا جهد ائتمه‌سی خبرینی تکذیب ائدیب.
اینترنت صفحه‌‌‌لرینده یاییلان ادعالارا گؤره، مهران مدیری حؤکومته یاخین، علی کریمی‌نین اوغورلانماسیندا الی اولدوغو گومان ائدیلن مشهور شخص کیمی بیلدیریلیب.
علی کریمی ایله باغلی سؤز-صؤحبتلرین گوجلنمه‌سینه باخمایاراق، او، هله ده بو مسئله‌‌ده سوسماغا اوستونلوک وئریر و توییترده‌کی موبهم مئساژی ایله یئتینیر.
#عومومی_اعتراضلار #علی_کریمی
