اینقیلاب کئشیکچیلری قزئتی علی دایی‌نی تهدید ائتدی؛ سؤنوب و یوخ اولاجاقسان
بو قزئتین بیرینجی صفحهسینده یاییملانان بوگونکو مقاله‌سینده علی دایی آچیق-آشکار تهدید ائدیلیب.
اؤتن گونلرده علی دایی اردبیلی اؤیرنجی قیز “اسرا پناهی”نین گوونلیک گوجلری‌نین الی ایله اؤلدورولمه‌سینه رئاکسییا وئریب. علی دایی ملت وکیلی‌نین و گوونلیک اورقانلاری‌نین بو یئنی‌یئتمه قیزین اینتیهاری و یا اورک توتماسی کئچیرمه‌سی ایله باغلی ادعاسینی تکذیب ائدیب و اونون نئجه اؤلدورولدویو باره‌ده آیرینتیلی بیلگیسی اولدوغونو ادعا ائدیب.
ایندی جوان قزئتی اونون اوچون یازیب: سنین حدین ساوادسیز علی کریمی و آوارا مهرداد پولادی کیمیلردن یوکسکدیر. حدینی بیل کی مولا علی‌نین دئدیگی کیمی، “حدینی بیلمه‌ین محو اولار”.
جوان قزئتی آیریجا علی دایی‌نین مومکون موحاکیمه‌‌سی اوچون اورتام آییریب و یازیب: مدنيت و ایدمان خادیمی هانسیسا پارتییایا، شرکته و یا بؤیوک کلوبا منصوبدورسا، او پارتییانین و یا کلوبون، قوروم و شرکتین قایدالارینا عمل ائتمه‌لیدیر و عکس حالدا حؤکومت عینی پارتییا و یا بؤیوک شرکته حساب سوارجاقدیر. اونلار سانال اورتامین آکتورو اولماق ایسته‌ییرلر، بو حالدا محکمه‌‌ده ادعالارینی شخصی وکیلله ساوونماق زوروندا اولاجاقلار.
#عومومی_اعتراضلار #علی_دایی
