ان اسکی بهایی محبوس فرهاد فهندژ حبس‌خاناسیندان سربست بوراخیلیب
بو بهایی وطنداش ۲۶ مهر ۱۳۹۱-جی ایلده گرگاندا حبس ائدیلمیش و بیر آیدان سونرا گرگان و گنبد کاووسدا حبس ائدیلمیش آلتی بهایی وطنداش ایله بیرلیکده تهرانداکی اوین حبس‌خاناسینا کؤچورولموشدور.
۱۳۹۲-جی ایلین اردیبهشتینده تهران اینقیلاب محکمه‌‌سی‌نین ۲۸-جی شؤبه‌سی‌نین رئیسی حاکم مقیسه فرهاد فهندژی بهایی تشکیلاتلارینی ایداره ائتمک و یاراتماق اتهامی ایله اون ایل مدتینه آزادلیقدان محروم ائدیب. بو حؤکم تئمییز محکمه‌‌سینده تصدیقله‌نیب و فهندژ جزاسینی رجایی شهر حبس‌خاناسیندا کئچیریب.
فرهاد فهندژ گرگاندا یاشایان بهایی وطنداشیدیر و سون اون ایلده عائله‌‌‌سی مسافه‌‌یه و سیاحت چتینلیگینه باخمایاراق هر هفته کره‌جه گلیردی.
قئید ائدک کی، بو بهایی وطنداش ۶۰-جی ایللرده بهایی دینینه اعتیقاد ائتدیگی اوچون بئش ایل حبسده اولوب.
عینی گون شیراز ساکینی بهایی وطنداش بهیه معنوی‌پور ۳۷ گون حبسدن سونرا شیراز اطلاعات ایداره‌سی‌نین تجرید‌خاناسیندان گیروو قارشیلیغندا مووقتی اولاراق بوراخیلیب.
#ایران_خبرلری #دینی_آزلیقلار #فرهاد_فهندژ
