ساری داش‌دا گنج قادین حیات یولداشی طرفیندن ناموسی مسئله لر ندنیله اولدورولوب
اینسان حوقوقلاری سایتلاری ساری‌داشدا فاطمه زارعی آدلی ۲۰ یاشلی گنج بیر قادینین حیات یولداشی طرفیندن ناموسی مسئله‌لر نه‌دنی ایله اؤلدورولدیونو بیلدیریبلر.
بو خبره گؤره، بو جوتلوک عراقین اربیل شهرینده یاشاییردی و قتل ۵ تیر ۱۴۰۱-جی ایلده بو گنج قادینین بوینوندا چوخ‌سایلی بیچاق یارالاری ایله باش وئریب.
هنگاوین خبرینه گؤره، خانیم زارعی‌نین حیات یولداشی اسماعیل عبدالله‌منش ۳ ایل اؤنجه ساری‌داشدا ۲۰ یاشلی بیر گنجی حیات یولداشی ایله موناسیبتده اولدوغو اوچون اؤلدوروب، حیات یولداشینی دا بیچاق ضربه‌‌‌لری ایله یارالاییب. خانیم زارعی خسته‌خانادان چیخاندان سونرا اربیله گئدیب و سون بیر نئچه ایلده بو شهرده مودئللیک ائدیر.
فاطمه زارعی‌نین حیات یولداشی بو خبری یازان آنا قدر حبس اولونماییب.
خانیم زارعی‌نین جنازه‌سی ۷ تیرده دفن مراسیمی اولمادان عراقین سلیمانیه شهرینده تورپاغا تاپشیریلیب و عائله‌‌‌سی ساری‌داشدا هئچ بیر مراسیم کئچیرمه‌ییب.
اؤتن ایللرده ایراندا قادینلارا قارشی زوراکیلیق و ناموس قتللری ایله باغلی چوخ‌سایلی خبرلر درج اولونوب کی، بو دا اساساً عائله‌‌‌یه یاخین ارککلر و عمومیتله اونلارین حیات یولداشی و آتالاری طرفیندن تؤره‌دیلیر.
ناموس جینایتلری قارشیسیندا حوقوقی بوشلوقلار ایران حوقوق ساوونوجولاری طرفیندن تنقید ائدیلسه ده، قانونلارا دوزه‌لیشلر و ديیشیکلیکلرله باغلی هئچ بیر ائتکیلی آددیم آتیلماییب.
سون ایللرین ان دهشتلی ناموس جینایتلریندن بیرینده اهوازلی بیر ارکک ۱۷ یاشلی حیات یولداشی، مونا (غزل) حیدری‌نین کسیلمیش باشینی اهواز کوچه‌لرینده گزدیریب.
قتلی تؤرتمکده تقصیرلندیریلن شخصین آناسی گلینی‌نین سوریه‌لی بیر ارکک ایله سانال اورتامدا تانیش اولدوغونو و بو سببدن تورکیه‌یه گئتدیگینی و نهایت، ایرانا قاییتدیقدان سونرا سجاد آدلی حیات یولداشی طرفیندن اؤلدورولدویونو ادعا ائتمیشدی.
بو ایل اییونون ۴ خرداد دا محکمه حاکیميتی‌نین سؤزچوسو اهوازدا حیات یولداشی طرفیندن باشی کسیلن مونا (غزل) حیدری‌نین عائله‌‌‌سی‌نین قیصاص طلب ائتمه‌دیگینی آچیقلاییب. مسعود ستایشی‌نین دئدیگینه گؤره، هله‌لیک مقتولون والیدئینلری قیصاص طلب ائتمه‌ییبلر و پرونده ۲-جی جینایت محکمه‌‌سینده آراشدیریلیر.
#ایران_خبرلری #قادینلار #قادین_حوقوقلاری
