“Traktor” futbol komandası türkiyəli məşqçisini türkmən məşqçi ilə əvəzləyib

Komandanın azarkeşləri ilə vidalaşdıqdan sonra Azərbaycan traktor istehsalı komandasının türkiyəli məşqçisi Ertoğrul Sağlam komandanı çalışdırmaq və ona rəhbərlik etmək üçün Qurban Berdiyevlə razılığa gəlib.

İranda məşhur “Varzesh 3” saytı Sağlamın Traktor komandasını ikinci dəfə Premyer Liqadan düşməkdən xilas etdiyini, Sağlamın komandanı aşağı liqaya düşməkdən xilas edə bildiyi üçün klubun məşqçi ilə müqaviləni uzadacağı gözlənildiyini, ancaq bunun mümkün olmadığını yazıb.

Traktor klubu rəhbərliyi nəhayət Ertoğrul Sağlamla maaş şərtləri barəsində razılaşmanın əldə olunmadığını, türk məşqçinin İranda fəaliyyətinin sona çatdığını açıqlayıb.

Fars xəbər agentliyi Championat saytına istinadən dərc etdiyi xəbərə görə, Qurban Berdiyevin Traktor klubuna gəlməsində İranın türkmən futbolçusu Sərdar Əzmunun böyük rol oynaması mümkündür.

İranın milli futbol komandasının türkmən futbolçusu Sərdar Əzmun Rusiyanın Rostov, Rubin Kazan və Zenit Sankt-Peterburq kimi komandalarında hücumçu mövqeyində oynayıb. Oyunçunun Qurban Berdiyevin rəhbərliyi altında Rusiya futbolunda inkişaf etdiyi deyilir.

İran Azərbaycanında populyar futbol klubu Traktor öz rəsmi saytında yayımladığı bildirişdə Traktor klubunun bütün texniki vəzifələrinin Qurban Berdıyevə həvalə edildiyini açıqlayıb.