مدنیت ناظیری؛ اؤلکه ایچیندن موقدس اؤرومجک ایله ایشبیرلیگی ائدن هرکس جزالاندیراجاق
ایرانین مدنيت ناظری موقدس اؤرومجک و لیلانین قارداشلاری آدلی ایکی فیلمین کن فیلم فئستیوالیندا اوغورلو نومایشیندن سونرا دئییب: اؤلکه ایچیندن موقدس اؤرومجک ایله ایشبیرلیگی ائدن هر کس جزالاندیریلاجاق.
بو سؤزلره تپکی وئرن “موقدس اؤرومجک” آکتورو فروزان جمشیدنژاد بی‌بی‌سی‌یه دئییب کی، بعضی اینسانلار توپلومداکی اقتصادی فساد و یوخسوللوق قارشیسیندا توپلومسال دوشونجه‌یه اویناماق اوچون بو ایشدن اؤز خئییرلرینه ایستیفاده ائدیرلر.
ایرانین مدنيت ناظری محمد مهدی اسماعیلی موقدس اؤرومجک فیلمینی اییرنج، چرکین و قئیری-رئال آدلاندیریب.
کن فیلم فئستیوالیندا موقدس اؤرومجک فیلمی‌نین نومایشی بؤیوک ماراغا سبب اولوب. زر امیر ابراهیمی بو فیلمده‌کی رولونا گؤره کن فیلم فئستیوالی‌نین ان یاخشی آکتور اؤدولونو آلیب.
فیلمده سئکس ایشچیلری‌نین سری قاتیلی سعید حنایی‌نین حیات یولداشینی جانلاندیران فروزان جمشیدنژاد دئییر: بو تهدیدلرین اساس سببی کیملرینسه بو مسئله‌‌دن اؤز خئیرینه ایستیفاده ائتمه‌سیدیر.
خانیم جمشیدنژاد ایضاح ائتدی: آباداندا اینسانلارین اؤز یاخینلاری‌نین جسدلرینی داغینتیلار آلتیندان چیخاردیغی، اینسانلارین یوخسوللوق، اقتصادی فساد و دیگر مسئله‌‌لرله موباریزه آپاردیغی بیر واختدا بو، توپلومسال دوشونجه ایله اویناماق اوچون یاخشی بهانه‌یه چئوریلیب.
ایرانین مدنیت ناظری بیلدیریب کی، بو فیلمین کن فیلم فئستیوالیندا نومایش ائتدیریلمه‌سی ایران توپلومونون اوزونو قارا گؤسترمک اوچون یانلیش، سیاسی و یؤنلندیریجی بیر سئچیمدیر.
#ایران_خبرلری #مدنیت_ناظری
