غربی آزربایجانین کرونا شعبه‌لرینده ۴۵ اوشاق خسته‌خانایا یئرلشدیریلیب
سید جلیل موسوی بونونلا باغلی سون ۲۴ ساعت ایچینده ۱۷۳ دوز کرونا آشی‌سی‌نین وورولدوغونو بیلدیره‌رک آرتیریب: سون بیر آیدا ایالتده گونده اورتالاما ۲ مین ۲۱۸ دوز کرونا آشیسی وورولوب.
او، داوام ائتدی: ایندییه قدر ایالتده ۵ یاش و داها یوخاری هدف اهالی‌نین یوزده ۸۳.۹ بیرینجی دوز، یوزده ۷۴.۸ ایکینجی دوز و یوزده ۳۳.۳ اوچونجو دوز آشی ووروبلار.
موسوی، حاضردا ایالتین کرونا شؤبه‌لرینده ۱۴۴ خسته‌نین خسته‌خانایا یئر‌لشدیریلدیگینی بیلدیره‌رک آرتیریب: اونلاردان ۲۹ خسته سون ۲۴ ساعت ایچینده قبول ائدیلیب.
او، اورمیه‌ده خسته‌خانایا یئر‌لشدیریلن ۱۲ خسته‌دن ۷ نفری‌نین اوشاق اولدوغونو قئید ائده‌رک آرتیریب: سون ۲۴ ساعت ایچینده ایالتین ۱۸ شهرینده یئنی یولوخما حالی قئیده آلینماییب.
غربی آزربایجان کرونایا قارشی بیلیم‌یوردو قرارگاهی‌نین بیلگیلندیرمه قروپونون کاتیبی علاوه ائتدی: سون ۲۴ ساعتدا ایالتده‌کی ۱۶ ساعتلیق آیاق اوستو موعالیجه مرکزلرینه ۱۵۲ نفر موراجعت ائدیب.
#آذربایجان_خبرلری #عومومی_ساغلاملیق
